吳若希自爆婚姻有第三者每晚約會老公公開以15字喊話宣示大婆主權

更新時間：16:30 2023-07-14 HKT
發佈時間：16:30 2023-07-14 HKT

吳若希日前作客TVB娛樂新聞台節目《StarTalk》，接受主播許文軒專訪，大談相隔一年再推出新歌《三人之境》感受。吳若希在訪問中竟然自爆婚姻中有「第三者」，對方更每晚都會約吳若希老公打機，更公開向對方喊話：「希望佢可以留意番我哋屋企嘅和諧！」

【點擊睇吳若希自爆有第三者】：

提到相隔一年才推出新歌，吳若希說：「呢個節奏對於自己會舒服啲，自己可以做吓其他嘢，例如拍劇、上半年每個星期都會去其他地方做巡迴演唱會，而且又要照顧屋企。雖然節奏慢咗，但係做每件事都好專心，依家自己會重質不重量，所以拖咗成年，先至有呢首以第三者出發嘅《三人之境》。」

談到第三者，吳若希說：「唱完呢首歌之後，開始唔憎小三，因為小三係有錯，但另一半、甚至自己都可能有錯，擁有一段正常健康嘅關係，小三係入唔到嚟。係你嘅就係你，唔係你都逼唔到！不過強調唔係鼓勵大家做小三。」

向來語出驚人的吳若希更自爆家中出現第三者，她說：「而家自己都經歷緊第三者，我仲知佢個名叫做Bill，佢每晚都約我老公同一個時間去打機。我覺得男人去玩係OK，顧及到屋企係OK，但唔好玩到有病返嚟！咁就冇曬精神照顧屋企，我都擔心佢會冷親！（佢成日打機妳會唔會嬲？）你話呢？」問到如何對付「第三者」，吳若希直說：「作為大婆好想警告Bill，希望佢可以留意番我哋屋企嘅和諧！」

【其他文章】：

吳若希首開個唱被指門票滯銷無懼Haters高EQ回應獲讚

林盛斌爆楊受成唔去飲喜酒仍豪封6位數人情吳若希出撒手鐧避接新娘變態遊戲

吳若希大女6歲牛一被夾攻錫錫變形反白眼生日蛋糕搵《中年好聲音》支嚳儀幫拖

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ