吳業坤升呢人夫積極鑽研AV 親爆求婚過程要先「詐肚痛」離席
更新時間:13:30 2023-03-15
發佈時間:13:30 2023-03-15

現年32歲的吳業坤(坤哥)去年5月突然於IG宣布迎娶日本女藝人濱口愛子,婚後「坤嫂」便隨老公來港生活,還努力學習廣東話,二人更不時於社交網大晒恩愛。近日吳業坤接受TVB節目《搵鬼做情人》訪問,暢談與太太相識至求婚過程,還自爆婚後加倍鑽研愛情動作片(AV)。

【點擊睇吳業坤AV心得】:

節目中,說到港男對日本女生充滿來自漫畫、日劇及愛情動作片的幻想,吳業坤坦言婚後都繼續看AV,更大方分享多年研究的心得:「你都知有啲嘢係唔夠架嘛,有啲嘢係要不斷學習,好似打籃球咁,每個年代嘅進攻模式都唔同。(有冇推介?)又冇嘅,我覺得睇多啲囉,即係唔同國家、唔同地方,我都係直接入戲肉。」

吳業坤透露,當初一心放假去日本思考人生、沉澱自己,結果遇上濱口愛子,初次見面已產生好感,對方亦是由零開始認識自己:「嗰時我希望遇到一對象係由零開始認識我,而唔係從報章雜誌、或喺電視上見過。」他又笑言娶到一個日本老婆確實有少少虛榮感,但只因大家不斷吹奏此事:「有啲人話偽毒之光,有啲就話搞錯,呢個係我攞獎後第一次咁有得獎嘅感覺,即係娶到個好老婆,大家都覺得佢好,公布咗結婚消息後,係多人恭喜過我攞獎,所以咁計就好有虛榮感,可以Proud of my wife,好事嚟嘅。」

當提及二人首次咀嘴時,吳業坤即一臉怕醜地指錫前有詢問對方,第一次並非法式濕吻:「大家錫下嘴仔,條脷就收埋。」至於求婚經過,他稱最大難題不是以僅餘的日文去Book餐廳求婚,而是找個藉口去換衫而不會令濱口愛子察覺到有異樣:「佢知我唔飲得牛奶,我就扮肚痛走,佢嗰刻真係信咗,之後我跪喺度同佢講『希望可以令你幸福』。」並謂濱口愛子有感動落淚,自認平日較「冷血」的他當時也很感動。

【其他文章】:

中年好聲音|吳大強71歲追夢成大熱 三仔吳偉豪獲TVB力捧 五父子顏值爆表引關注

周星馳收20蚊入場費同張繼聰揀卒 新晉影帝睇到皺晒眉:依依不捨地火速離開

東張西望丨的士情慾對話「嘔心男」現身解畫 親述內情欲反告司機:我問心無愧

《星島申訴王》於3月1日隆重登場,節目為民請命抱不平、追蹤城中熱話,亦會搜羅溫情小故事。你申訴,我跟進,搵91999933,《星島申訴王》隨時候命!
立即報料: https://bit.ly/3IMunqd
你的獨家報料一旦被採用及報導,將獲得乙份獎品。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ