周星馳收20蚊入場費同張繼聰揀卒 新晉影帝睇到皺晒眉：依依不捨地火速離開
發佈時間：10:00 2023-03-15
周星馳去年10月首度開設IG賬戶與網民互動，首則帖文已經講明「請人」尋找web3人才，還創立「#CreateWithStephen」的hashtag，吸引粉絲投稿，更親自睇post揀卒，久未有新電影推出的他疑似有新計劃。昨晚（14日）周星馳IG再有新帖文，邀請張繼聰一齊睇「#CreateWithStephen」的作品，張繼聰更成為第一位在周星馳IG現真身的藝人！不過張繼聰卻睇到皺起眉頭，狀甚苦惱。
【點擊睇周星馳見張繼聰】：
周星馳在IG留言說：「大家的創意短片有驚喜亦有驚嚇，讓我徘徊地獄又折返人間。正如孔子和耶穌所講，創意乃是人類最大原動力，現決定不再局限愛情主題，歡迎任何題材讓我大開眼界。我身邊的張繼聰更付出20元入場費觀看，大呼物超所值獲益良多，依依不捨地火速離開現場。」相中見周星馳與張繼聰一同用iPad睇作品，但張繼聰睇到除底眼鏡皺晒眉，旁邊只露出背面的周星馳卻直豎姆指。張繼聰老婆謝安琪未知有否一同朝聖，但她在留言說：「『依依不捨火速離場』真係獲益良多😌👍🏻」。
然而張繼聰的IG帖文卻與周星馳的來個180度轉變，張繼聰貼出的照片見到他豎起姆指望着周星馳，周星馳卻低頭掩面。張繼聰留言說「付了$20進場欣賞大家的短片，看完後血氣調和腎氣充足肝火清泄，有如醍醐灌頂，實在精神為之一振🤘。而對面的周生似乎也被震撼心靈……」語氣誇張到似《食神》食完瀨尿牛丸的反應，次次考試都有100分。
童星出身的張繼聰早年曾做唱作歌手，與張敬軒、方大同、王菀之合稱「唱作四小強」，可惜他發展平平。他於2012年加入TVB憑住部作品《老表，你好嘢！》成功入屋，之後繼續在電視圈發展，直至2018年約滿離巢。其後張繼聰繼續歌影視三棲發展，近年他在電影界大放異彩，去年憑《窄路微塵》獲提名台灣金馬獎影帝後，早前更憑《窄》片膺香港電影評論學會大獎「最佳男演員」。下月舉行的香港電影金像獎，張繼聰更同時憑《窄路微塵》及《飯戲攻心》入圍「最佳男主角」及「最佳男配角」獎，不論做小品電影男主角、大熱商業笑片男配角同樣應付自如。今次張繼聰會見周星馳，不少網民都好奇張繼聰之後會否演出周星馳的電影，或有其他合作，讓影迷非常期待。
【其他閱讀】：
鄭裕玲頒獎禮掃場集許光漢池昌旭等男神 58歲阿部寬非小鮮肉未獲垂青
陳少霞3200萬首置購洋房 昔日照顧患病愛女要住公屋 再嫁「法拉利之父」做少奶
65歲廖偉雄罕現人前「燦樣」十年如一日 為保婚姻堅拒復出拍劇
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
