何超儀辦Disco演唱會憶被張國榮趕走梅艷芳教媾仔秘訣

即時娛樂

更新時間：00:00 2022-09-17 HKT
發佈時間：00:00 2022-09-17 HKT

已故賭王何鴻燊千金何超儀(何超)相隔3年再開騷，將於今晚及明晚於九展舉行《The Flash Back Now party》，唱盡她非常歡喜80年代嘅Disco名曲。講到Disco，她就興奮自爆當年拉住家姐何超瓊(Pansy)衫尾落DD，同巨星梅艷芳、張國榮、羅文及陳百強等聚會，她更爆出被張國榮(哥哥)責罵兼趕離DD現場嘅𤓓事。

她說：「當年嘅香港係五光十色，尤其流行Disco，啲人扮得咁靚，好有型，好有態度。印象最深刻13歲時跟咗去Disco出席哥哥演唱會嘅after party，因為唔識飲酒及跳舞，就貪玩用玻璃球嚟電行過嘅人，因而被哥哥怪責『知唔知會好痛㗎？你再咁曳嘅話，我𠵱家即時Call車車你走。』最後我都係被趕走咗，因為我電親黎小田。」另外，梅姐又向她傳授媾仔秘訣，要用眼神電對方，而唔係喺舞池高舉雙手亂舞，咁樣反而會嚇親男仔。到她18歲想入行唱歌，Pansy在文華酒店嚴厲喝罵她：「你衰唔衰呀！冇Taste，又肥又唔識打扮，唱得幾叻又如何？」「契爺」丹尼仔遠處已聽得到，即解圍叫Pansy唔好鬧個妹，然後提出翌日帶她去買衫，所以她人生第一套戰衣是由丹尼仔買給她的。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ