周國賢離婚丨回顧兩公婆溫馨甜蜜時光 IG刪晒囡囡相微博仲有大量湊女照

更新時間：08:00 2022-09-06 HKT
發佈時間：08:00 2022-09-06 HKT

周國賢（周仔）於尾場演唱會多次在台上感觸落淚，特別唱出《天使》時暗示與韓籍老婆李美英已分開。事後他接受訪問時直認已離婚年半，又不願多提女兒，他說：「是分開了！我們選擇用另一個方法去愛，大家依舊是好好的朋友，雙方都有共識分開，我只想回應一次，放下過去的自己，對所有人來講，都是重新開始。」

尾場嘅周仔好感懷，係咁喊。

周仔同老婆於2001年結婚，當年周仔年僅22歲，婚後一年老婆生咗大女Clara，6年後誕下二女Rachael，2010年細女Elisia出世。其實以往本報經常拍攝到周氏一家出外食飯、到南灣游水，或者老婆抱埋囡囡去捧周仔場，兩公婆曾經好恩愛，一家非常幸福。

19年曾被傳媒拍攝到同老婆去接囡囡放學，話咁快囡囡已亭亭玉立，三個囡囡分別已20歲、15歲及12歲。但近年已久未見兩公婆同框，周仔亦好耐冇上載過有關囡囡嘅帖文，至直認離婚就師傅明白了。

睇周仔IG九成都係工作有關嘅Po，有關囡囡嘅帖文已全部刪走，反而微博就有好多生活照，不過已久未更新，可能當事人都唔記得有呢個社交平台，所以仍然Keep住唔少湊女相，包括手抱囡囡、囡囡拎相機影爸爸、囡囡去沙灘玩、囡囡街拍及囡囡的畫作，周仔更不時多謝囡囡，「多謝小R在爸爸的天空灰灰的時候，送了一條引領我回到光明的彩虹，you are my rainbow!🌈 and sunshine!! 」

TEXT:SW

立即下載｜全新《星島頭條》APP：https://bit.ly/3yLrgYZ