林盛斌工作受疫情影響取消自我安慰最緊要平安健康

更新時間：12:00 2022-01-08 HKT
發佈時間：12:00 2022-01-08 HKT

因變種病毒Omicron來襲，香港進入第5波疫情，原本漸見喜色的娛樂圈，再一次叫停公開活動、演唱會等。林盛斌（Bob）作為數一數二的明星司儀，過年過節最多公司宴會，是其中一個好好搵的時段，可惜因為疫情，至少這兩星期的眾多活動都要暫停，難怪他昨（6日）在社交網貼上經理人對住電話和筆記簿的相片，聽住對方逐單逐單講工作要取消或無限延期，感到十分無奈！

Bob曾被爆每場司儀騷酬金以十萬元計。

經理人被Bob拍下了放上網。

Bob留言：「聽住個經理人逐單逐單話俾（畀）你知，嚟緊邊單cancel咗，邊單無限期postpone，個感覺就好似兩年前咁，好夢幻！」不過向來正面積極的Bob不忘自我鼓勵：「唯有不斷同自己講：『搵得返嘅，呢一刻，最緊要平安、健康！』」好友如陳敏之等都讚他「正能量」；共勉之的網民亦認同，「你心態好好，最緊要身體健康，先可以照顧小朋友」、「正能量，最重要身體健康先」！　