梁樂民親解電影《梅艷芳》為日本歌手洗白全因初戀兩個字

即時娛樂

更新時間：22:36 2021-12-04 HKT
發佈時間：20:00 2021-12-04 HKT

梅艷芳與家姐梅愛芳自小便一起登台，感情要好。

《梅艷芳》導演梁樂民作客車淑梅主持的《舊日的足跡》，節目將於明日（12月5日）在香港電台第一台播出。梁樂民本身是梅艷芳歌迷，也因電影公司老闆江志強的緣故而開拍電影《梅艷芳》。梁樂民謂：「老闆係個浪漫嘅人，當年電影《十面埋伏》預咗梅姐，可惜當時佢嘅身體狀況唔理想，最後冇接拍。老闆亦記掛住電影公司（開業）初期梅姐曾經幫手站台，覺得自己欠佢（梅姐）一部戲，要紀錄呢份情......我見過梅姐一次，佢喺上海拍《半生緣》，我去探班，佢見我『嗨！』一聲，好快問我『食咗嘢未？』可見佢真心關心每一個人，我記住咗，努力想放入電影，等大家都有呢種感覺。」

兩姊妹與媽媽。

梁樂民親解梅迷的三大疑團。

電影上映後，不少梅姐的歌迷心中有好多疑問，首先為何要幫日本歌手洗白？梁導解釋是因為相信對方是梅姐心目中的初戀，他說：「喺女孩子嘅眼裡，初戀情人唔會係壞嘅，或者有一啲事佢（梅姐）唔想知，甚至唔想被紀錄。」他透露電影公司老闆有預告知會日本歌手，但未知對方有沒有看：「片中唔講佢全名，就係出於對佢嘅尊重。」

其次是為什麼梅姐為姐姐結婚而吵架？梅姐不是這樣小器的人。梁導解釋：「嗰個年代姐姐出嫁就等如失去咗一個相依為命、可以倚靠嘅親人，相信佢本人都唔願意向大家表達嗰種不捨嘅心情。」而最後是梅姐一早已經宣佈不領獎，她不會為「最受歡迎女歌手」獎項而不安。梁導說：「我哋只係設計一個機會，等梅姐講述自己並非為後浪趕上而轉向（參與）公益事務，佢嘅出發點對得起天地良心。」