梁乐民亲解电影《梅艳芳》为日本歌手洗白全因初恋两个字

即时娱乐

更新时间：22:36 2021-12-04 HKT
发布时间：20:00 2021-12-04 HKT

梅艳芳与家姐梅爱芳自小便一起登台，感情要好。

《梅艳芳》导演梁乐民作客车淑梅主持的《旧日的足迹》，节目将于明日（12月5日）在香港电台第一台播出。梁乐民本身是梅艳芳歌迷，也因电影公司老板江志强的缘故而开拍电影《梅艳芳》。梁乐民谓：「老板系个浪漫嘅人，当年电影《十面埋伏》预咗梅姐，可惜当时佢嘅身体状况唔理想，最后冇接拍。老板亦记挂住电影公司（开业）初期梅姐曾经帮手站台，觉得自己欠佢（梅姐）一部戏，要纪录呢份情......我见过梅姐一次，佢喺上海拍《半生缘》，我去探班，佢见我『嗨！』一声，好快问我『食咗嘢未？』可见佢真心关心每一个人，我记住咗，努力想放入电影，等大家都有呢种感觉。」

两姊妹与妈妈。

梁乐民亲解梅迷的三大疑团。

电影上映后，不少梅姐的歌迷心中有好多疑问，首先为何要帮日本歌手洗白？梁导解释是因为相信对方是梅姐心目中的初恋，他说：「喺女孩子嘅眼里，初恋情人唔会系坏嘅，或者有一啲事佢（梅姐）唔想知，甚至唔想被纪录。」他透露电影公司老板有预告知会日本歌手，但未知对方有没有看：「片中唔讲佢全名，就系出于对佢嘅尊重。」

其次是为什么梅姐为姐姐结婚而吵架？梅姐不是这样小器的人。梁导解释：「𠮶个年代姐姐出嫁就等如失去咗一个相依为命、可以倚靠嘅亲人，相信佢本人都唔愿意向大家表达𠮶种不舍嘅心情。」而最后是梅姐一早已经宣布不领奖，她不会为「最受欢迎女歌手」奖项而不安。梁导说：「我哋只系设计一个机会，等梅姐讲述自己并非为后浪赶上而转向（参与）公益事务，佢嘅出发点对得起天地良心。」