港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

姜濤8年前隔空問候「傳情」被爆曾暗戀《造星IV》Ada仔

即時娛樂

更新時間：22:30 2021-11-20 HKT
發佈時間：16:00 2021-11-20 HKT

《全民造星IV》60強誕生，好多網民鬧爆。

《全民造星IV》昨晚（19日）60強誕生，有好多網民心水如：阿妹、Yanis、Jackie，甚至被指是大熱的193妹妹「3妹」都未能成功晉級，令網民嬲到大叫「罷睇《造星IV》」，又批評ViuTV的《造星》團隊唔識捧女團。但60強已經出爐，未知成功晉級的，又有否吸引到網民目光呢？

27號姜咏鑫（Ada仔）昨晚亮相唱《Someone You Loved》晒唱功，雖然有不少失準，但仍令觀眾眼前一亮，而她亦成功晉級60強。不過引起網民討論的，不是她在節目上的表現，而是她的過去。

Ada仔成功晉級60強，好多人睇好佢。

不過隨即有人爆料。

有網民於討論區以「全民造星4 Ada 仔（姜濤中學暗戀過嘅女仔）爆料區」為題開Po，更上載不少線索，樓主表示他與Ada仔讀同一間中學，直指Ada仔為人好假，讀書時幾乎冇朋友，身邊大多是男性朋友，指她經常「收兵」，與男友未分手又跟其他男子有親密舉動，而姜濤亦疑似曾是Ada仔其中一名追求者。討論區又有疑似姜濤facebook賬號於2013年向Ada仔隔空問候的留言：「點呀？無事呀嘛？整親你唔好意思！」又叫對方不要哭。而另一個Po的截圖相信是二人共同朋友所打的，更以公開方式傳給姜濤，其中一句就直指「其實你鍾意Ada」。

其實姜濤曾接受訪問表示，讀書時因身形肥胖被欺凌，令他的學生生涯過得不開心，曾對暗戀對象表白，卻被對方一句：「對不起我是外貌協會。」暗示姜濤唔靚仔，令姜濤發奮減肥，但卻令他留下陰影，因為怕被拒絕而不敢再向女生表白。有網民稱，當日拒絕姜濤的就是Ada仔，更指她看到姜濤瘦身成功後，想再接近姜濤，希望她不要消費姜濤。

外型甜美，啱晒入女團。

佢之前都參加過好多歌唱比賽。

另外，有自稱是姜濤中學同學的網民表示，Ada仔當年與其追求者都有份欺凌姜濤，於社交網嘲笑姜濤是肥仔，指Ada仔的facebook賬號仍能找到證據，不過再到疑似是Ada仔的facebook賬號查証，發現她似乎已把所有帖文刪除。

Ada仔是否曾欺凌姜濤已不得而知，但早前姜濤瘦身後，似乎仍有與Ada保持聯絡，有網民就Po出疑似他們的合照。而早前Ada仔於IG開Live，姜濤於深夜都有觀看，Ada仔怕醜地說：「你夜媽媽唔瞓入嚟睇我Live，好耐冇見，姜濤睇我Live，黐線咩？搞到我好緊張呀！」看來姜濤對Ada仔的觀感似乎仍然不錯。