港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

頭條獨家丨陳煒被鼎爺鬧會發爛渣譚俊彥玩煮食節目必揀對手

即時娛樂

更新時間：23:56 2021-11-18 HKT
發佈時間：02:00 2021-11-19 HKT

鼎爺與三姐喺《教煮爭霸》中，會監察陳煒、譚俊彥參賽。

李家鼎（鼎爺）與蕭秀香（三姐）於TVB烹飪比賽節目《教煮爭霸》中比試廚藝，第7集開始交波畀「煮得之人」陳煒及譚俊彥大鬥法，兩人表示會整最好食嘅嘢畀鍾意嘅人食，而剛與醫生男友喺大埔購入千萬愛巢嘅煒哥仲自爆，男友身形經常大上大落，因為每當她開工，男友就無啖好食，成個人瘦晒。採訪：方騫平攝影：葉君海

劇集《法證先鋒IV》勁收，陳煒和譚俊彥曾下廚宴客找數。

陳煒、譚俊彥出名係「煮得之人」。

明天起《教煮爭霸》的鼎爺與三姐便功成身退轉做監場官，交由陳煒及譚俊彥（Shaun）用唔同食材嚟互鬥，首集食材係時令靚蟹，煒哥做焗蟹蓋；Shaun拆肉做蟹餅，加入配菜及醬汁。

陳煒花盡心思煮嘢食，綁住陳醫生個心及胃。

Shaun經常為仔女、老婆及爸爸狄龍設計好味菜。

一開工男友就會瘦
Shaun坦言做比賽節目會有壓力，最怕失禮人：「煒哥好犀利，佢會寫定啲步驟，而我只係負責炒煮，由我間餐廳職員幫手寫定張貓紙，咁我會易啲handle。坦白講，如果唔係煒哥我唔會參與，比賽揀對手好重要，只得煒哥我先至輸得心服口服，由於大家都識得煮餸，咁我會學到好多嘢。」煒哥則笑說：「佢煮乜，我會避一避佢，咁先有反差！」對於有機會被鼎爺當眾指正錯處，煒哥大笑說：「我會發爛渣會喊！不過聽真說話都好，可以有改進。」Shaun加句：「我喊都好叻！」兩人坦言會煮最好食嘅嘢畀鍾意嘅人食，唔好食自己啃晒佢。煒哥風騷說：「我會擺好多心機落去，諗盡方法煮佢(即男友)鍾意嘅嘢，好似設計芝士焗龍蝦伊麵、龍蝦湯同龍蝦粥等，所以佢(男友)唔敢彈唔好食，彈咗一世都冇得食！但每當我忙開工，佢都會由肥變瘦。」