港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

頭條獨家丨享受單身唔拍拖　江欣燕約女友撐枱腳係咁傾

即時娛樂

更新時間：21:19 2021-09-22 HKT
發佈時間：20:00 2021-09-22 HKT

欣欣早前約神秘女友人去又一城食晚飯。

現年54歲的江欣燕（欣欣）於劇集《智能愛人》生擒陸永一幕，掀起熱話。劇中飾演富婆的她因太思念亡夫，而欲對「代替品」陸永霸王硬上弓，而現實中，2013年跟前夫吳積遜結束12年婚姻的欣欣，就很享受自由自在的單身生活，更揚言不會再婚。早前為劇集宣傳完，她便約神秘女友人去又一城食晚飯，傾足一個鐘先捨得離開，之後Call咗車的欣欣好心急地在商場行出行入，不停望吓架車到咗未。採訪：譚壹致

欣欣邊講嘢，個口罩邊在上唇揩揩吓，唔多衛生。

飯後欣欣送完友人落樓便自己一個離開。

剛播畢劇集《智能愛人》，接力的《把關者們》又有江欣燕份，日前近晚上7點，《頭條日報》記者就撞到剛出席完宣傳活動的欣欣，相約一名包到冚的女友人到又一城的皇后飯店食Dinner，本來獲店員安排坐窗口位的二人，特意要求坐較隱蔽的位置。未知是否有老花，欣欣甫坐低即除眼鏡睇餐牌，跟住又問吓友人意見想食乜，成餐飯兩個女人傾唔停。逗留大約1小時，終於捨得埋單走人，其間欣欣瞇住眼篤手機，之後將個口罩笠到人中位置，繼續同友人吹水，講講吓仲跌到落上唇邊，「揩揩」吓似乎唔多衛生喎！

Call了車的欣欣心急地步出車輛上落客區左望右望。

等車期間，欣欣走進家品店Hea了15分鐘。

睇家品燃燒時間
離開餐廳後，欣欣陪友人坐扶手電梯，Say完Goodbye後就自己一個到Zara Home閒逛。Call咗車的她好心急，入咗家品店唔夠5分鐘，就走出旁邊的車輛上落客區左望右望，又拎部手機出來Send message，估計都係催緊個司機。見架車仲未到，欣欣再走返入舖頭睇家品，其間她定鏡望了兩秒咕𠱸、兩秒床單，最後在店內環繞一周乜都冇買，Hea足15分鐘便上車離開。