港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】陪人Shopping一樣咁開心 57歲唐麗球笑容有少女味

即時娛樂

更新時間：20:33 2021-09-14 HKT
發佈時間：20:30 2021-09-14 HKT

雖然啲衫唔啱波波，但佢都睇得好投入。

介紹返相中人，佢叫唐麗球，花名叫波波，1984年港姐季軍，今年57歲，有留意娛樂新聞嘅對佢應該有啲認識，因為今年港姐開記招，佢都有出席㗎，而佢作為今屆慧妍信託委員會執行委員會副會長，成日都同副主席向海嵐及會長翁嘉穗去做善事，例如轉贈「愛心百家被」畀有需要人士，又會去探訪公公婆婆，心善人美真係冇講錯，熟女波波仲係好Fit好靚吖。
採訪:梁志明

波波喺間舖四圍行。

四個人平排行，行晒成條路。

波波早前出席活動表示老公吳毅將因工作關係經常中港兩邊走，就算疫情下都Keep住。至於17歲囡囡已由加拿大返港，她表示囡囡覺得唔適合當地環境，正計劃到韓國繼續學業。波波說：「囡囡一直都喜歡韓國文化，但唔係迷韓星，亦無打算做女團，純粹喜歡韓國。」波波仲話唔介意囡囡同韓仔拍拖。

睇佢笑得幾甜。

出席今屆港姐記招。

Shopping吹下水

日前傍晚，着住黑色Tee同牛仔褲，好開明嘅波波同兩女一男朋友去銅鑼灣名店坊行街，較後生的一男一女入咗Y-3，波波及另一女友人跟埋入舖，見波波好認真係咁睇，有時揭吓啲衫又拎起啲鞋，睇得出佢唔啱，但望吓又好啫。波波喺舖頭逗留咗成粒鐘，男友人買到嘢，之後一行四人行去禮頓道一間Bar & Cafe，呢間舖之前已見過波波去過，應該係朋友開設，見眾人入咗去之後門口就掛上Closed牌，自己地方點傾點玩都唔使驚。喺門口聽到舖入面播放音樂，都幾大聲但又聽唔到係咩歌，總之聽完個人好想郁，好似波波咁，見佢間唔時Un身Un勢，仲笑得好少女添，有街去有friend陪，開心都正常嘅。