港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【好香艷】Anson Lo被偷影底褲相 Edan：遲啲要脅佢幾廿萬

即時娛樂

更新時間：22:11 2021-08-20 HKT
發佈時間：15:15 2021-08-20 HKT

MIRROR最紅四子現身。

人氣組合MIRROR成員姜濤、Anson Lo（AL、盧瀚霆）、Edan（呂爵安）和Ian（陳卓賢）今日在中環出席護膚品牌活動，吸引約2千粉絲到場，約50保安駐場維持秩序。據悉頭排粉絲昨晚已通宵輪候霸位，4子穿上紅白裝束亮相，甫現身粉絲即無間斷尖叫，叫聲震耳欲聾。他們拿着產品chok爆擺甫士，又識做地向粉絲揮手，再引起粉絲叫囂。

訪問時，談到MIRROR最紅四位齊集，他們謙說：「唔好咁講。」問酬勞可觀？他們表示不知道，要問花姐。對於粉絲通宵排隊，姜濤說：「知道有粉絲唔舒服，我哋好多活動會出嚟，身體唔舒服就唔好太早嚟。」而4子最近工作繁多，每日也只有大約3小時睡眠時間，Edan表示沒辦法，有工作便做；AL則說：「Fans直踩更多個鐘，工作時間比我哋仲長，每次活動都早一日嚟好辛苦。」

（左起）Ian、Anson Lo、姜濤和Edan一齊出活動，fans尖叫聲不絕！

姜濤和Edan分別有電影和劇集演出。

提到姜濤日前於社交網上載AL的「浮屍樣」，AL表示沒有嬲：「佢哋都唔係第一次咁玩，出道時都有唔少（樣衰相），大家開玩笑。」問到可會報復？他說：「本來都想，但留一綫，唔會刪除嗰啲相，等過時過節或生日時送禮。」Edan直言這張不算最勁，姜濤即大爆Edan影他們最多醜照，Edan笑說：「鍾意影人醜照，因為我唔靚，等佢哋一齊唔靚。」

問姜濤是否想為AL曲線宣傳新歌《不可愛教主》，姜濤笑說：「咁都兜到，係呀。」問有否偷影對方裸照？他們異口同聲表示：「冇咁變態，會有底線！」姜濤稱最初《造星》比賽時，被影了在床上穿着疑似短褲的照片，AL亦記起Edan有他只穿內褲的照片，他說：「去年我哋喺日本，朝早我沖涼後只着底褲行出來，佢就捕住個門口影我。」Edan：「遲啲要脅佢。（要脅啲咩？）錢囉，唔畀幾廿萬我就post出嚟。」AL表示不信他有這個膽量。

Ian和AL一紅一白，好搶眼。

姜B曲線為AL的新歌宣傳。

另外，姜濤將拍攝電影，他表示因此推掉很多工作，這次是拍戲前最後一個公開活動。他說為該片學踩單車並要減磅，與花姐打賭一千幾百，在開拍前要減磅至69kg，不過他卻打定輸數，惟有這幾天不吃東西。至於Edan拍攝游泳主題的新劇《i.SWIM》，他說要努力增肌。最後，4子在活動逗留約一小時，離開時走近與粉絲揮手道別。