兩個夠晒數丨周柏豪應老人家要求低調多謝朋友愛錫冇爆響口

更新時間：16:49 2021-08-20 HKT
發佈時間：15:00 2021-08-20 HKT

柏豪表示低調太太再陀B一事，是應老人家要求。

36歲周柏豪跟拍拖多年的Stephanie（朱敏君）在2016年秘密結婚，到了2019年12月又秘密產女，當時柏豪的保密消息做到足，事隔2年，柏豪日前宣佈再做爸爸，太太為他誕下兒子，一子一女湊成個「好」字。剛剛成為第二任爸爸的柏豪，今日在醫院會見傳媒時，聽到大家的祝福，他合實雙手多謝大家，還口邊唸着感恩。

柏豪表示囡囡半年前知道將榮升做家姐。

柏豪表示囝囝似自己多啲。

問到兒子似他還是以太太較多？他搞笑說：「下半截似我。」引來傳媒大笑，他即補充說：「阿仔梗係似我多啲，哈哈！」柏豪稱，近日正忙着為TVB拍攝新劇《旁觀者》，所以只能向劇組請了十多小時假，陪太太入產房親手剪臍帶及過了一夜，他透露，疫情期間也有壓力，太太不敢外出只有外出產檢或帶女兒到公園玩耍而巳。問到可會請假陪太太？他表示，已經有工作安排十至十一月要離開香港工作，為免影響劇組所以不會請假。問他這次做足保密功夫？柏豪稱，只因疫情期間太太少出街，老人家又不想大事宣揚：「家人，朋友和同事，都有個不明文規定嚟保護我哋，大家冇爆響口，多謝大家咁愛錫我哋。」問他會否繼續追生孩子？柏豪笑指，大家都好想他繼續追，但他卻感到再追會很攰，所以兩個便夠，問到太太是否也抱相同想法？他稱太太也感到兩個夠，可以專心地好好照顧孩子。

柏豪日前宣佈又做爸爸！

至於長女可有因弟弟出現而呷醋？柏豪表示，已提早半年跟女兒說，會送個弟弟給他，兒子出生後起初也沒事，但小朋友看到媽媽抱着一個她不認識的人，便說：「點解咁耐都未到我嘅？」慶幸後來問她要不要飲奶，女兒也說給BB吃，柏豪開心地說：「我媽媽睇到都感動到喊！（你有喊嗎？）有呀，喺靜落嚟嗰陣，諗吓自己都好幸福同順利，都忍唔住喊咗出嚟。（打算送甚麼給老婆作獎勵？）冇特別獎勵，因為一開始已畀晒佢，冇得再畀，只能畀多些時間和愛心。（為兒子改了名字嗎？）仲未，而家只係叫佢做他弟弟。」