【頭條獨家】唔再嬲前度出軌送祝福賴嘉賢撐保錡唔似八両金

即時娛樂

更新時間：23:17 2021-07-23 HKT
發佈時間：21:17 2021-07-23 HKT

賴嘉賢見過鬼怕黑，下個擇偶條件要孝順及唔好花心。

今年初ERROR成員吳保錡被爆背住模特兒「正印」賴嘉賢（Carrie）偷食張沛樂（沙律），Carrie嬲爆喺社交網發文連環追擊，最後保錡要停工過冷河。事隔半年一切回復正軌，Carrie冇再嬲，仲祝福及鼓勵前度要繼續努力。採訪：方騫平攝影：梁志明場地：丸十手和壽司

賴嘉賢唔再嬲保錡，亦唔介意將來合作。

Carrie日前做壽司店一日店長，親自做壽司畀女影迷食。

重提舊愛，Carrie承認當日真心嬲同埋傷心，所以表達得好激動！不過而家已經冇放喺心，問到係咪真心原諒咗對方？她說：「咁都相愛過，做人唔好回望，要有新生活及工作，我都想前進！我都有睇《ERROR自肥企画》短片，阿Dee嘅『鳳凰不死鳥』好好笑。」

覺得保錡似汪東城
對於保錡同沙津經常放閃，Carrie大方說：「佢哋OK咪OK囉！我戥佢哋開心，亦期待下個等緊我嘅人，唔介意將來合作演出。」不過，Carrie表明唔會鍾意花心男，但作為超級外貎協會，會鍾意返靚仔。對於保錡曾不忿被指似八両金開IG直播爆粗鬧網民！對此，Carrie為前度護航：「我唔覺得佢似八両金，講真我曾讚過佢似《飛輪海》成員汪東城，其實唔好似人，有自己風格最好，喺拍拖期間我畀咗唔少信心佢。」