【頭條獨家】被TVB新聞部欽點做節目陳貝兒川藏高原患高山症險死

即時娛樂

更新時間：08:39 2021-07-23 HKT
發佈時間：23:24 2021-07-22 HKT

陳貝兒喺高原騎馬，相當威風。

最近喺川藏高原缺氧嘅陳貝兒(Janis)得TVB新聞部欽點拍節目，雖然Janis對新節目賣關子，但從訪問中可完全感受到她做節目的搏命程度有幾高，她說：「由4月尾離港，節目足足拍咗3個月，係有史以嚟離開屋企最長時間嘅一次，而且拍攝地點氣候橫跨春夏秋冬，我貴為周圍去嘅執篋達人，咁有經驗都被考起。加上去內地拍攝，半年前已搵咗個來自北京嘅普通話老師單對單惡補，希望幕前表現好啲。」採訪：方騫平

醫生指她好彩及時送院吸氧氣。

陳貝兒喺川藏遇到唔少型男。

對於整個旅程，Janis表示最後一站最難忘，「川藏高原高海拔4000幾米，雖然早一星期已開始食藥，但仍然有高山反應。當時個頭痛到爆炸，心口又翳住痛，呼吸好困難，要好大力先吸到好少氧氣入肺，感覺好唔舒服，藏族朋友知道叫我唔可以拖，最後要緊急送院。」

賣命為節目
多得當地朋友提醒，陳貝兒即刻入院，醫生告知她好彩送院及時，否則後果好嚴重。Janis坦言，「成個旅程我都覺得幾驚險，而且去到高海拔地方杳無人煙唔會有訊號，有段時間同屋企人失去聯絡，佢哋都好擔心我。」她大笑說：「今次真係姐姐缺氧了！」問到使唔使搵藏區型男嚟做人工呼吸？她忍住笑容回答：「做嘢先做嘢先！」因為要趕返主持奧運，所以只入院吸氧幾小時，即喘住氣拍埋個尾。對於被TVB視為寶藏嘅新聞部欽點做新節目，她強調冇壓力，只有更加努力。