港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】帶新女直擊布吉島通關情況胡慧冲讚「布吉李嘉欣」唔怯場

即時娛樂

更新時間：01:49 2021-07-17 HKT
發佈時間：01:33 2021-07-17 HKT

胡慧冲布吉島推廣之旅換上省鏡新拍檔「布吉李嘉欣」，網民都好受落。

泰國政府宣布7月1日起於布吉島推出「沙盒計劃」，畀已接種兩劑疫苗嘅低風險國家或地區旅客，抵達後唔使隔離。作為居泰港人嘅胡慧冲(Roger) 第一時間帶埋外表甜美兼有火辣身材嘅新拍檔「布吉李嘉欣」飛去直擊。採訪：方騫平

布吉妹幾甜，着上紅色一件頭泳衣，濕身大晒好身材。

布吉妹首次幕前演出，喺鏡頭前表現自然淡定。

「泰國通」胡慧冲由《冲由泰國》開始跟32C冬蔭妹拍住上做旅遊節目，Roger強調唔係貪新忘舊要換新女，只係冬蔭妹冇期參與，而布吉妹英文都ok，對住鏡頭着泳衣，大晒33C、26、36身材都表現自然冇怯場，網民畀晒like。問到同冬蔭妹比較邊個索啲？他大笑說：「呢個問題好敏感喎，兩個各有千秋啦！布吉妹有新鮮感啲，個樣係甜嘅！」

四圍去唔怕染疫
今次胡慧冲應泰旅局邀請到布吉島做宣傳推廣工作，去咗7日6夜，期間影吓當地靚酒店、米芝蓮一星餐廳、Spa、街頭小食及當地最新民生情況等。他無奈說：「因為疫情關係，有啲店鋪執咗笠，但都有新嘢補充，而且陽光與海灘及低消費，對歐洲旅客有一定吸引力，至今反應算係幾理想。其實今次計劃對泰國政府嚟講係大膽嘗試，始終打咗針唔代表係百毒不侵，但布吉島好靠旅遊業，唔可以再坐以待斃。」

Roger同布吉妹悉心打扮去食當地唯一一間米芝蓮一星餐廳。

兩人品嚐米芝蓮推介嘅地道餐廳，食炸肥豬肉、蛋包蟹肉、布吉菜炒蛋。

另外，7月15號蘇梅島重開，泰國其他省府亦會逐漸開放。遊客漸多，問到Roger可會擔心染疫？他自言時運高：「呢年幾都冇停過去拍嘢，乜高危地方都去過晒，甚至有次去剪完頭髮，隔咗兩個禮拜髮型屋經理打嚟問我身體狀況？原來當日幫我剪頭髮嘅師傅中咗招，當日我仲冇戴口罩，佢就有戴，但冇傳染畀我，可能我做得善事多所以咁好彩啩！」