港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

重提大18年初戀男友高志森焦媛直認「戀父狂」

即時娛樂

更新時間：13:14 2021-07-11 HKT
發佈時間：08:00 2021-07-11 HKT

焦媛和高志森拍拖21年，終分手收場。

現年45歲的舞台劇演員焦媛去年爆喊承認跟高志森分手一年多，結束長達21年的「父女戀」。焦媛近日接受梁泰來主持的商台《1圈圈星光背後》訪問，重提這段戀情時，直認自己是「戀父狂」！

焦媛被指靠高志森上位，受盡冷言冷言。

焦媛演出過不少經典舞台劇。

焦媛跟高志森年齡相差18歲，當年焦媛就讀香港演藝學院，因參與學校音樂劇演出認識高志森，並獲對方邀請組成劇團，其後二人墮入愛河，高志森更是她的初戀。當時焦媛被指靠高志森上位，受盡冷言冷言，但她仍捱得過：「回頭諗番覺得要畀個Like自己，嗰陣時竟然頂得順，因為真係好難受，喺團入面你好似被孤立咗，例如幕後同某啲演員都會對你有一啲睇法，不過我唔怪（責），因為人係咁，呢種孤立變咗力量，令你更專注同更加努力令件事做得更好。」

一家四口移民夏威夷後，高志森做太空人，跟太太感情轉差。

焦媛24歲便跟高志森拍拖。

24歲的她承認跟男方拍拖，但高志森卻遲遲未公開宣布已離婚，焦媛一度背上第三者之名，她坦言對感情一意孤行：「我以前細個好鍾意睇瓊瑤嗰啲小說，希望有個高高瘦瘦……同埋因為我爸爸係高高瘦瘦，所以成日都幻想將來嘅男朋友同伴侶係高高瘦瘦。」她坦言欣賞高志森「叻」，她說：「我真心覺得佢係叻，可能爸爸嘅關係，熟悉我嘅人都覺得我係戀父狂，鍾意啲比較成熟同叻啲嘅人。」

焦媛坦言拍拖以來，二人從未真正面對婚姻這個話題。對於「第三者」污名，焦媛表示沒有無感到難受：「當我選定咗個目標，我會義無反顧一路行，你仲可以繼續行落去嘅時候。（有搞清楚對方嘅婚姻，你先同佢開始？）當然啦！」