港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】喬寶寶多謝Do姐當年畀機會《造星III》葉小妍比賽再被狠批

即時娛樂

更新時間：00:06 2021-07-09 HKT
發佈時間：23:44 2021-07-08 HKT

今次葉小妍被叮再冇情緒激動，反而笑笑口接受評判意見。

31歲嘅魔樂師葉小妍喺ViuTV《全民造星III》被淘汰，因為爆喊唔肯離開舞台獲評判卓韻芝嫌棄回應：「唔好啦！」最後花姐要停廠請她走。被網民狂負評的小妍日前再換上戰衣參加《MEGA VOICE》歌唱比賽，最終都係因為走音、甩bit被評判叮走。採訪：方騫平攝影：譚壹致

黑妹姐精神奕奕同喬寶寶相聚。

上周五只係其中一round初選，有15位參賽者。

為咗發掘更多年青人加入樂壇，千億電影製作公司就搞咗個靚聲歌唱比賽，上周五15位參賽者展開第一round淘汰賽，當晚喬寶寶出任司儀，黑妹姐、蘇珊等擔任評判。於《造星III》被淘汰的「騎呢」葉小妍唱出自家創作新歌，不過繼續甩bit、唔啱音乜都齊，難逃被叮命運，黑妹姐見她勇氣可喜，客氣地讚她造型唔錯。蘇珊讚完衣著後即狠評她音域、咬字、拍子都唔準、歌詞又唔熟，唔知唱乜。小妍面懵懵陪笑，臨走前問喬寶寶：「你可唔可以教我英文？」

魔樂師葉小妍喺ViuTV《全民造星III》被淘汰，但爆喊唔肯離開舞台。

當年參加《殘酷一叮》改變咗喬寶寶一生。

會參加《造星4》
葉小妍話自己成長咗，可以放鬆面對得失，所以今次一啲都唔緊張：「人有三衰六旺，跌得快會起得快，有起有跌先可以豐富人生，不過當日畀人形容騎呢係有啲唔開心，甚至有黑粉留言話我樣醜，叫我跳樓死，其實佢哋先慘，無聊到要鬧一個唔識嘅人！」雖然被網民鬧，但小妍認為娛樂圈有聲音係好事，起碼會有人記得自己，她更揚言會挑戰組女團的《造星4》。至於喬寶寶因為同該電影公司老闆翟俊威好老友獲邀做司儀，今次活動勾起當年參加《殘酷一叮》回憶：「最好彩喺舞蹈上攞到好多同情分，尤其跪地動作，Do姐話睇吓我會搞乜，因為咁贏咗兩秒有機會入咗娛樂圈幾十年，真係好多謝Do姐。」