港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】《勁歌》點評環節令歌手難堪郭偉亮糖妹讚愈尷尬愈好睇

即時娛樂

更新時間：08:35 2021-06-29 HKT
發佈時間：21:30 2021-06-28 HKT

糖妹、Eric Kwok、Oscar被讚是令人睇得舒服嘅《勁歌金曲》主持人組合。

TVB嘅《勁歌金曲》大革新，新主持人郭偉亮(Eric Kwok)、糖妹(黃山怡)及Oscar(涂毓麟)被網民讚組合夠新鮮，糖妹自爆其實3人有個更重要嘅作用，每當評判對演出歌手批評嚴厲，他們就負責搞返好個氣氛，所以Eric會嬉皮笑臉。而3人異口同聲話加入被爭議嘅「音樂導賞團」點評歌手，能喚起觀眾更關注樂壇。採訪：方騫平攝影：譚壹致

革新後首集節目，何雁詩被陳海琪狠批《灰夠》首歌好平庸而爆喊！

Eric Kwok同Oscar一唱一和搞吓氣氛，幫被點批的菊梓喬打圓場。

節目改革後惹嚟不少評擊，但3位主持人就力撐點評歌手新模式，Eric說：「個騷會好睇啲，因為觀眾戥歌手緊張埋一份，而做歌嘅人要肯定隻歌得，唔會再求求其其交差，咁樣都會幫到個樂壇。」糖妹表示：「同事為咗維護你會講好說話，人哋肯真心真意，兜口兜面畀意見你係袋錢落你袋。」

Eric Kwok大讚Gin Lee及曾比特唱歌好有感染力。

33歲Gin Lee當年隻身由大馬來港發展，幾經辛苦下才得到認同，2018年終於登上紅館開個唱。

網上平台更多評擊
Eric亦有感而發說：「今時今日做個普通人，上網都會畀人惡意評擊，唔理你感受就媽叉你，呢啲觀眾真係犧牲寶貴時間，上嚟認真咁聽你隻歌，好認真同你講真話，至少唔係惡意先。」對於被網民批評他倒戈TVB，他解釋係人生旅程：「啲人話對我倒戈失望，呢啲係你意見，最重要我做得開心，又學到嘢又幫到樂壇，唔排除將來過ViuTV，正如都冇諗過返到TVB。」另外，樂壇新貴中，Eric睇好曾比特(Mike)，又話Oscar比兩年前進步咗好多，而見到當年《造星》「學生」姜濤及肥仔等有咁好成績好安慰：「所以話只要呢行一日唔死，一日都有機會，好似李幸倪(GinLee)咁，最緊要係勤力同埋真心鍾意音樂，咁就唔會咁易放棄。」Oscar同意說：「我入行唔耐都係學緊嘢，乜都要試吓。」