港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】《劲歌》点评环节令歌手难堪郭伟亮糖妹赞愈尴尬愈好睇

即时娱乐

更新时间：08:35 2021-06-29 HKT
发布时间：21:30 2021-06-28 HKT

糖妹、Eric Kwok、Oscar被赞是令人睇得舒服嘅《劲歌金曲》主持人组合。

TVB嘅《劲歌金曲》大革新，新主持人郭伟亮(Eric Kwok)、糖妹(黄山怡)及Oscar(涂毓麟)被网民赞组合够新鲜，糖妹自爆其实3人有个更重要嘅作用，每当评判对演出歌手批评严厉，他们就负责搞返好个气氛，所以Eric会嬉皮笑脸。而3人异口同声话加入被争议嘅「音乐导赏团」点评歌手，能唤起观众更关注乐坛。采访：方骞平摄影：谭壹致

革新后首集节目，何雁诗被陈海琪狠批《灰够》首歌好平庸而爆喊！

Eric Kwok同Oscar一唱一和搞吓气氛，帮被点批的菊梓乔打圆场。

节目改革后惹嚟不少评击，但3位主持人就力撑点评歌手新模式，Eric说：「个骚会好睇啲，因为观众戥歌手紧张埋一份，而做歌嘅人要肯定只歌得，唔会再求求其其交差，咁样都会帮到个乐坛。」糖妹表示：「同事为咗维护你会讲好说话，人哋肯真心真意，兜口兜面畀意见你系袋钱落你袋。」

Eric Kwok大赞Gin Lee及曾比特唱歌好有感染力。

33岁Gin Lee当年只身由大马来港发展，几经辛苦下才得到认同，2018年终于登上红馆开个唱。

网上平台更多评击
Eric亦有感而发说：「今时今日做个普通人，上网都会畀人恶意评击，唔理你感受就妈叉你，呢啲观众真系牺牲宝贵时间，上嚟认真咁听你只歌，好认真同你讲真话，至少唔系恶意先。」对于被网民批评他倒戈TVB，他解释系人生旅程：「啲人话对我倒戈失望，呢啲系你意见，最重要我做得开心，又学到嘢又帮到乐坛，唔排除将来过ViuTV，正如都冇谂过返到TVB。」另外，乐坛新贵中，Eric睇好曾比特(Mike)，又话Oscar比两年前进步咗好多，而见到当年《造星》「学生」姜涛及肥仔等有咁好成绩好安慰：「所以话只要呢行一日唔死，一日都有机会，好似李幸倪(GinLee)咁，最紧要系勤力同埋真心钟意音乐，咁就唔会咁易放弃。」Oscar同意说：「我入行唔耐都系学紧嘢，乜都要试吓。」