【話花姐窮】拍內褲廣告要Key隊友Body 姜濤笑言怕嚇走晒啲客

即時娛樂

更新時間：16:00 2021-04-15 HKT
發佈時間：20:50 2021-04-14 HKT

姜B最想拍美食廣告，因為可以光明正大狂食。

姜濤及蔡卓妍（阿Sa）晚上出席「HPV健康教育大使發佈會」，姜濤直言與前輩阿Sa合作開心又緊張，開工前一日已幻想過程並笑說：「但其實根本唔使擔心，皆因我哋係分開拍，但我有去探班同影合照，因為出道前、細細個都有聽Twins嘅歌。（買過Twins的碟或睇過演唱會？）其實我由細到大都未睇過演唱會，連小豬羅志祥嘅演唱會都未睇過，因為屋企冇畀錢我睇，零用錢都用嚟買嘢食同買遊戲卡，哈哈！」

姜濤表示入行後工作忙碌，除了睇過隊友Ian的九展演唱會外，未曾當過紅館騷的觀眾，笑言最想做MIRROR演唱會的觀眾，審視自己的演出，但根本不可能。對於有指他半年狂拍50個廣告，姜濤冇認真數過，但希望客戶繼續找他合作，問到是否豬籠入水？他笑說：「很多支票仍未收到呀，廣告的錢比較遲收到呢！」笑問會否擔心花姐「落格」？他說：「咁又唔會！如果有，花姐就唔會咁窮啦，哈哈！」

姜濤不諱言最想拍美食廣告，可以光明正大狂食，若有錢賺也不介意拍M巾廣告，又謂要與MIRROR隊友合拍。至於內褲廣告呢？姜濤笑說：「Key我個樣便可，身體可以用Stanley或Alton。（為何不現真身？）我驚以後乜廣告都冇呀，嚇走晒啲客，我都有自知之明㗎，哈哈！」