獨家丨張敬軒跨年Show兩度加場自揭退出仙后餐廳原因

即時娛樂

更新時間：21:27 2021-12-03 HKT
發佈時間：01:30 2021-12-04 HKT

仙后餐廳好有特色。

張敬軒將舉行15場紅館跨年演唱會，據知反應熱烈會再度加推1月13至15日的3場門票。主辦單位見售票反應太熱烈，於是極力跟紅館周旋檔期，最終協調出紅館的維修期而成功爭取加場。

對於跨年紅館Show第二度加場，軒仔接受本報獨家訪問回應：「吓，你哋咁快喺邊收到料？我估我呢一刻唔方便回應你哋住，一切仲等緊公司處理，多謝支持。」

軒仔係吒咤以一力敵四鏡。

至於退出一手經營的仙后餐廳，軒仔則表示：「其實舊年我已慢慢淡出餐廳前線運作，幫手諗橋、諗下午茶同埋Marketing宣傳手法，因疫情改變咗飲食業及好多行業嘅生態，所以仙后餐廳都要變陣，而最受影響係現場表演，呢個係餐廳特色之一，但而家見唔到幾時可以開返表演所以要變陣。」

軒仔又透露大股東將有新酒店和整個地皮的計劃，請了外國團隊來管理F&B，「自己已交出亮麗成績單，都想專注返嚟緊演唱會及出年嘅發展，不如正正式式交返畀佢哋，我就做返支持者，久不久去食飯，會繼續保持十分友好關係，全權將成間餐廳交畀大業主管理。」