港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】單身多時隨時迎接愛情 AGA遇合適對象會一眼認出

即時娛樂

更新時間：02:20 2020-10-23 HKT
發佈時間：02:08 2020-10-23 HKT

AGA直言恨拍拖，但近年學識同自己獨處的她，又冇孤單感覺。

AGA（江海迦）最近在疫境下推出全新大碟《So Called Love Song》，碟中有不同主題類型的情歌，總會有一首讓樂迷選擇。談到自己的愛情觀，AGA認為點題歌的自愛訊息，正正是她要尋找的愛情關係，單身多時的她相信遇到合適對象會一眼就認出。對於一再延期的紅館騷，令AGA更覺得世事無常，反而使她變得更積極，只要準備好自己，相信個騷總能舉行。撰文：杜淑霞攝影：李維隆髮型：Gary Sun from Hair@M 化妝：Vanessa Wong 場地：北京老家

AGA形容製作今次大碟有血有淚，因受疫情影響不斷改期。

大碟造型是AGA少有的粉色系，獲歌迷大讚她勁索。

大碟點題歌《So Called Love Song》主題是講自愛，AGA認為這是愛情的基本，因要識自愛才懂得愛人。單身多時，隨時歡迎愛情到來的AGA坦言，遇到合適對象好容易知，「我覺得搵到就會知，我相信一拍即合，一遇到就會知，𠵱家我好清楚自己要啲咩嘅人。以前嘅我好怕悶，一定要搵朋友，人大咗之後識得同自己相處，學識咗冇以前咁容易會覺得孤獨。」

為答謝歌迷，AGA親自簽了幾百張感謝咭，隨碟附送。

演唱會決定延期，AGA即跟父母去大擦海鮮餐發洩一下。

至於擇偶條件，AGA覺得外形並不重要，最緊要大家溝通到，「對方要有自己生活態度，好有自己嘅諗法，要唔自私，至少心態上對社會有貢獻，我覺得預到一個畀啲挑戰我嘅人，應該就係佢啦！溝通真係緊要過外形，我又唔係好睇外形，我覺得當一段愛情，溝通唔到距離感係最大，有人問過我介唔介意Long D，我唔介意，因為溝通到嘅話，嗰個人好近，搵到嗰個人必需要溝通到。」

在疫情下AGA不單製作大碟有血有淚，連首個紅館騷都被迫延期，她知道一刻即化悲憤為食慾，跟家人大擦海鮮餐後，隨即積極投入工作，「一知道要改期，我就諗呢隻碟後面嘅歌應該點編排，我相信更多歌嘅話，個騷會愈精彩，我相信終會有一日個騷會開到，帶一個更加精彩rundown畀大家，答謝大家買我演唱會飛。」這次日子也令AGA想通了不少，「我年尾去咗澳洲，本身去兩個禮拜，結果滯留咗兩個月，我坐喺我家姐間屋度諗，其實今日係紅館開緊演唱會嘅日子，但係我坐咗喺澳洲度，好多嘢冇得控制，更要諗清楚自己想變成一個點樣嘅藝人，返香港後我變得好清晰，老土啲講嚟想製作更多音樂帶畀人正能量。」