【頭條獨家】自爆年輕時拒拍裸露戲 區嘉雯笑言老了夠膽演
更新時間：17:27 2020-05-28 HKT
發佈時間：17:13 2020-05-28 HKT
發佈時間：17:13 2020-05-28 HKT
字體大小
原來早在《叔‧叔》前，區嘉雯已被邀請過拍電影，「年輕時有人叫我拍電影，有啲裸露鏡頭，我話唔得啦，街巿買嘢嗰個人都望住你，我真係接受唔到。」反而今時今日，她竟然不再抗拒，「依家有人叫我性感演出，我又唔介意喎！因為你咁老都有人叫你性感演出，你話係咪好光榮呢？哈哈！你夠膽問我，我就夠膽答應你。」
與同志好友同行
今次獻出電影第一次，區嘉雯解釋因中學教師工作已退休，時間多了，加上劇本吸引，令她想起兒時認識的男性同志好友，「我後生嘅時候有一個好好朋友，都係一個同性戀者，我哋細個唔知嘅嘛，嗰個年代，佢又唔會講，仲好笑人哋笑我係咪佢女朋友，成日出出入入。但係佢家人有啲體諒，有啲唔體諒，如果我能夠做啲嘢，好似同我老友㩦手做一啲嘢咁。」
在舞台劇界多年，突然變成電影圈新丁，對區嘉雯是好大挑戰，單是講對白已需要調節，「因為舞台劇嘅對白係多過電影好多，我成日笑啲後生懶音，依家拍電影反而要有懶音，又唔好咁清色咁大聲。」提到最難忘一幕，區嘉雯不禁笑指跟戲中「情敵」袁富華同場的婚宴，「因為我可以用番我凌厲嘅眼神，你知我以前做仙姐（舞台劇《劍雪浮生》演「白雪仙」），佢哋搵我嘅其中一個原因，都係因為我眼神好凌厲，今次我嗰個角色『阿清』係個主內嘅家庭主婦，唔會有呢啲凌厲眼神，但嗰場終於可以用番我嗰個凌厲眼神。」
最Hit
下午茶連加一收$63 連鎖餐廳自己落單仍收加一服務費惹議 網民：請問你服務咗我啲咩？業界咁解釋｜Juicy叮
2025-06-29 18:00 HKT
方力申替億萬富爸爸慶80歲生日 方毓仁氣質更勝明星兒子 結婚50年賣一名畫逾2億
2025-06-29 13:30 HKT
前TVB男星斥阿豬阿狗又搞演唱會 點名4天王呻樂壇唔健康 聞夏韶聲開騷：做咩演唱會啫
2025-06-29 15:30 HKT
慶回歸長者餐飲有優惠！業界推出「愛心食肆賞你惠食」 $15嘆大家樂/美心/麥當勞6大連鎖店早餐 3類人可申請
2025-06-29 12:00 HKT
