港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】搵緋聞女友做微電影主角麥秋成讚蔣家旻夠專業

即時娛樂

更新時間：20:22 2020-04-02 HKT
發佈時間：20:03 2020-04-02 HKT

秋成簽約TVB，原來最初都跟導演工作有關，「最初讀演戲課程，目的係了解多啲演員世界幫到做導演，讀咗發覺好有趣就想去試吓做演員。」

麥秋成繼去年宣布簽約TVB，最近再有新搞作，自編自導自演愛情微電影《戀戀季節—冬至篇》，仲邀請了緋聞女友蔣家旻和好友羅天宇組成三角關係。秋成謂一直對導演工作有興趣，想儲多點經驗，未來目標是拍套代表香港的歌舞電影。講到跟蔣家旻合作，他坦言不怕緋聞愈傳愈盛，更大讚她跟羅天宇夠專業，兩人任他舞。撰文：杜淑霞攝影：李維隆髮型：Jay Cheung @ Hair 服裝：Amelie Street 場地：Wahaha Partyroom

秋成和蔣家旻認識多年，家旻更是他的舞蹈學生，被指經常出雙入對而傳出緋聞。

秋成指導羅天宇演出，導演樣上晒身。

秋成坦承想向導演之路進發，因現在工作都未能滿足到他，「我好貪心，但係喺創作上，我全部嘢都係圍繞跳舞，我腦入面有3、4個故仔，𠵱家寫緊啲電影劇本，有一套搵緊人投資，但一定全部關於跳舞，呢個根唔會甩嘅，我想試多啲嘢，希望將來做到一套代表香港嘅歌舞電影。」

因為在鳥取縣取景拍攝時間好趕，秋成所以嘢都跟得好足。

微電影9成在鳥取取景，靚人靚景，秋成仲要在雪地上跳舞。

望搵到投資者
之前秋成都導演過其他作品，但都以跳舞為主，今次較多文戲，反而難倒他，「所以要練，今次係多咗好多經驗，好彩佢哋（另外兩位主角）畀我舞囉！佢哋真係好好冇乜怨言，可能我聽唔到，佢哋兩個都辛苦㗎！我哋得幾日時間，但要拍好多嘢，佢哋去到真係冇得瞓，我Chur晒佢哋嚟用。」問到搵緋聞女友蔣家旻做女主角，秋成就澄清他們只是同事和朋友，不過他不禁大讚女方工作態度，「TVB出嚟嘅藝人好獨立，髮型化妝自己搞掂，又冇乜怨言，架子又唔會擺到咁高，畀着好多藝人咁辛苦實黑面啦！」其實今次微電影秋成只完成了三分一，故事還有兩輯，「點解叫《戀戀季節—冬至篇》，其實係仲有春夏同秋季，要睇吓之後有冇資金拍，今次用咗我6位數，所以我就冇啦！希望今輯吸引到人投資啦！」