【頭條獨家】為慈善不輕易放棄張王幼倫教導子女要貢獻社會

即時娛樂

更新時間：23:57 2019-12-04 HKT
發佈時間：20:22 2019-12-02 HKT

早前張王幼倫與丈夫張力正、大仔嘉慶、二女詩賢（右二）和細女詠賢一齊出席晚宴。

「嘉頓新抱」兼珠寶設計師張王幼倫（Michelle），早前為她成立8年的領賢慈善基金舉行晚宴，晚宴上展出60隻由國際藝術家張日競（Nicholas）所設計的動態鴿子藝術裝置，帶出和諧的主題。Michelle坦言每年的慈善晚宴都是一項挑戰，今年更受社會環境影響，但由於已籌備一年，所以不能輕易放棄。Michelle更帶同三名子女一齊行善，希望他們能為社會作出貢獻。
撰文：李佩儀攝影：李維隆場地：SEVVA

張王幼倫今次與張日競合作順利又愉快。

當張王幼倫看到張日競的「動態鴿子」，認為與晚宴主題很配合。

近月香港社會氣氛緊張，但Michelle沒想過取消慈善晚宴，她解釋：「好多人都打畀我問我會唔會繼續搞？我話我有好大嘅決心去做，因為做咗一年嘅準備功夫，唔係咁容易放棄。」結果當晚有457位嘉賓出席，令Michelle開心又感動，「多得大家嘅支持，我哋領賢就可以為香港文化藝術作出一啲貢獻。」由於晚宴主題為「和諧」，故可看到由Nicholas設計的60隻「動態鴿子」，現場看閃閃發光十分耀眼，Michelle續稱希望帶出正能量，並已將「動態鴿子」移至灣仔利東街展出，讓大家可以去欣賞一下。

大自然攞靈感
問Michelle有否想過設計與鴿子有關的珠寶首飾時，她笑言動物的創作空間比較細，而她較喜歡大自然景物，明年她正準備推出珊瑚系列。育有兩女一子的她，問子女們有遺傳她的設計天份嗎？她續說：「讀律師嘅大仔嘉慶𠵱家幫手打理家族生意，讀經濟嘅二女詩賢𠵱家從事飲食業，而讀地理嘅細女詠賢係一位小學教師。」她笑言子女各有所長，暫時未有人想繼承她的珠寶生意。問她對子女有甚麼期望時？她說：「由細到大我淨係要求佢哋能夠完成學業，之後鍾意做咩都冇所謂，只希望佢哋做一個有用嘅人，可以貢獻社會。」平日一家人最鍾意「搵食」，她笑言可以一齊去埋旅行就滿足！