花姐有MIRROR陪伴感幸運魯庭暉喜歡偷影上台前一刻

更新時間：20:11 2021-11-04 HKT
發佈時間：23:30 2021-11-04 HKT

MIRROR推出《All in One》。

MIRROR成軍3周年，昨日於九展一口氣舉行三場專屬答謝會，更展出12位成員大量展品，吸引大批「鏡粉」排隊打卡。作為12子背後女人兼幕後功臣的花姐，昨晚亦於社交網上載MIRROR答謝會的照片，並撰長文寫感受：「三年前嘅今日，人生有好大嘅轉變，由一個電視台監製變成16子嘅經理人。呢段時間遇過好多困難，流過好多眼淚，迷惘過，失落過，軟弱過，憤怒過。但幸運有你哋一直嘅陪伴。」

她亦多謝ViuTV高層魯庭暉和金廣誠的支持：「多謝魯生，人生導師，令人敬佩嘅老細，表面吋吋貢，但內心充滿愛。永遠記得佢send一個msg叫我好好放假陪下屋企人，好感動！」、「多謝金生，亦要同佢講對唔住，一直包容我，盲撐我，佢喺我心目中都係好爸爸！」

花姐撰寫長文，幸運有MIRROR作伴。

魯生喜歡偷影上台前一刻。

逐一答謝同事後，最後亦要多謝MIRROR及「鏡粉」的支持：「多謝鏡粉，你哋令MIRROR好幸福，多謝你哋一直陪伴MIRROR。最後多謝MIRROR 12子，我近年煩腦來源都係來自你哋，但非常非常非常之愛你哋，One and All , All in One，希望你哋以後都可以過得健康快樂。」MIRROR 成員Anson Lo、Alton、Frankie、Tiger等都紛紛留言向勞苦功高的花姐表示：「非常愛你」。

除此之外，魯生亦罕有地貼出MIRROR 3年前初次表演和昨日答謝會的後台照，並寫着：「MIRROR第一次表演，係2018年11月3號。不過，其實佢哋12個第一次表演，係成立日之前幾日，喺一個event。我哋嗰陣未公布佢哋會係MIRROR，佢哋係以《全民造星》參賽者嘅身份出席，咁我哋心裡面就其實係想等MIRROR出現之前，畀佢哋12個，一齊踩一下台板。圖一，就係當日後台，圖二，係今日後台。我發覺，我幾鍾意偷影佢哋，上台前嘅一刻。」Anson Kong 、Lokman 及 Stanley都相當識做，留言：「多謝魯生！」