賭命夫妻丨Benson情書攻勢冧掂老婆 Sam跟太太欲重拾性趣

更新時間：14:14 2021-10-20 HKT
發佈時間：15:00 2021-10-20 HKT

Benson之前獲安排PTGF的Mangie如情侶般相處。

ViuTV真人騷《賭命夫妻》中參賽的5對夫婦，大玩「換夫」、「換妻」等遊戲，惹來不少網民及觀眾炮轟，指挑戰道德底線及鼓勵婚外情等，結果至今通訊事務管理局已合共收到40宗投訴，其中人夫Benson更直認對節目組安排PTGF（Part-time girlfriend）Mangie動情，完全不理老婆Ruby的感受。

昨晚（19日）播出一集，甫開始主持人火火及陳嘉倩安排5對夫妻，以英文寫情信給另一半，結果Benson以情深款款的樣子向Ruby朗讀其情書時，成功感動到女方落淚，最後Benson更攬實Ruby，似乎一切雨過天青。至於另一對夫妻；Sam及Maegi，到女方讀英文情信時顯得吃力，火火叫她可以用中文，Maegi即謂：「又唔早啲講，好似喺度為難我。」隨即眼濕濕走開，Sam即跟隨在身邊陪伴。

Mangie身材惹火。

昨晚5對夫妻互寫情信。

另一部份火火及陳嘉倩去家訪已結婚10年的Sam及Maegi，為了重燃兩人的「性趣」，節目組安排和式酒店房給他們享受二人世界，而火火事前更貼心地為準備和服、香薰油及情趣「秘笈」等。正當眾人希望幫助Sam及Maegi重拾夫妻間情趣之時，Sam竟聲稱只安排兩個鐘不夠時間，故此作罷，令火火大為失望。

Benson情深款款向老婆讀出情信。

Ruby感動落淚。

節目出街後，Ruby在IG貼上與老公的合照，她坦言自己未有寫過英文情書，反而係「開正李生個範」：「一開頭係話自由發揮，唱歌歌詞乜都得，所以我就揀咗我最鍾意嘅唱歌lu，但係我又唔識得好多英文歌wor!咁咪自己填嚕～嗰日我用咗AGA《Tonight》中文版，即場填咗啲英文落去就唱咗出嚟喇，奈何節目時間有限，觀眾未醞釀情緒，但見到我哋喊哂係搞笑啲，但係呢part真係每對夫妻都好感人好有愛！」