關禮傑《我家》最後10日瘋狂衝刺 早起兩個鐘拉筋拍動作戲
更新時間：14:55 2021-10-14 HKT
發佈時間：17:30 2021-10-14 HKT
發佈時間：17:30 2021-10-14 HKT
字體大小
求證監製王心慰，她笑言：「忠石係好人嚟，但我唔講咁多，我自己覺得大結局好多感人位。」王心慰又大讚關禮傑愈拍愈fit：「之前同佢合作已覺得佢好fit，今次再合作亦見佢愈拍愈fit。其實最後10日我會用好『甘』形容佢，除咗好多動作場面，情緒變化亦相當多，有憤怒、壓抑、悲傷、絶望同感動，全部都係好消耗體力嘅場口，但佢都應付得好好，我好佩服。」
由於忠石角色有情有義、有血有肉，加上關禮傑演繹出色，備受網民喜愛，並為他的演技一直被「睇低」感不值。關禮傑受訪時直認十分喜歡忠石這個角色，並誠意對待拍攝：「最後結局篇嘅拍攝我係最畀心機，因為要好多精神同體力。」他又謂為了應付連場打戲，下了不少功夫：「喺每個通告之前，我會早啲起身拉筋；譬如朝早6點通告，我會4點起身拉筋，做好熱身；喺返公司期間，我會做開聲訓練，等拍劇時講對白好啲。」
