熊黛林收菠蘿油蛋糕賀41歲　插蠟燭無從下手笑到流眼水

更新時間：19:05 2021-10-10 HKT
發佈時間：23:30 2021-10-10 HKT

Lynn原來細細個好鍾意食菠蘿油。

熊黛林（Lynn）今日（10日）41歲牛一，公司老闆日前跟一班同事為她預祝生日，更為她特別訂製兒時最愛食的菠蘿油造型蛋糕，Lynn見到實物時笑不攏嘴。Lynn在社交網上載慶祝短片，見她因不想破壞蛋糕的造型，插蠟燭時不知從何入手，其間更笑到標眼水趴在枱上，又用紙巾抹眼水。她留言：「生日就係要開心快樂！祝我生日快樂啦～多謝最親愛的經理人」，並打上hashtag祝大家身體健康最緊要。

Lynn牛一舉行家庭聚會。

Lynn笑說：「我唔係感動落淚，係笑到標眼水！蛋糕個形狀加埋支蠟燭有少少搞笑，蠟燭都唔知放喺邊度好，哈哈哈。菠蘿油係我最鍾意食嘅港式麵包，但係因為牛油係我嘅死穴，一食就肥，所以已經戒咗好耐，今次大家知道我鍾意菠蘿油就訂呢個蛋糕畀我，真係好有心、好感動。」原定昨日與家人出外食晚飯，正日則留在家舉行大閘蟹宴，但因昨日早清晨到半夜一直懸掛8號風球，被天氣打亂計劃，只能在家中食公仔麵，家庭聚會延到正日舉行。