Bob嫂每晚起身3次幫囝囝戒尿片林盛斌誤以為有「姦夫」感內疚

更新時間：22:30 2021-10-04 HKT
發佈時間：23:00 2021-10-04 HKT

原來老婆每晚起3次身，就是要幫囝囝戒尿片。

林盛斌（Bob）與太太黃乙頤（Pearl）婚後育有三女一子，阿Bob經常在社交網站分享一家六口的溫馨家庭照。Pearl是賢內助，負責打點全家大小事務，讓阿Bob無後顧之憂地工作。

昨日阿Bob發文指太太最近有異樣，每晚都較定鬧鐘起床3次，一度誤以為老婆出面有第二個︰「最近我發現每逢夜晚12點，凌晨3點，早上6點，佢個鬧鐘就會響，然後佢就會行出房門，幾分鐘之後先再上返床，呢個行為維持咗一段時間。我有懷疑過佢係咪約好時間，偷偷地同出面個姦夫傾電話，鬼鬼鼠鼠燴番薯嗰啲！」

唔想囝囝夜晚瀨尿，每媽真係用盡心神。

一家六口大家庭。

及後阿Bob得知，原來老婆幫細仔戒夜晚尿片，專登每晚過隔離房抱囝囝起身去廁所，等他不要瀨尿，整濕褲和床單。阿Bob好奇問點解3個家姐都沒有這樣做，Pearl就表示︰「其實咁多年嚟個個都有咁做嘅，係你冇留意啫。」得知真相後，阿Bob大為內疚，並問大家:「有咩辦法可以令我冇咁內疚？」網民都紛紛留言:「再生多件，你負責幫佢戒片」、「俾晒啲錢老婆」等等。