Tim@Dear Jane尾場唱情歌冧老婆晒車厘子底底成彩蛋

更新時間：10:27 2021-09-26 HKT
發佈時間：10:30 2021-09-26 HKT

一連五場的《Dear Jane Pendulum Tour 2021》昨晚圓滿落幕！

一連五場的《Dear Jane Pendulum Tour 2021》昨晚在紅館圓滿落幕，主音Tim(黃天翱)的老婆楊洛婷帶着身穿「Elsa」公主裙的囡囡Tanya 到場支持爸爸，鍾楚紅、張建聲、少爺占一家、陳凱詠及張天賦（MC）等人現身支持。Tim 特別送上一曲《愛的呼喚》老婆及外母，他說：「成個禮拜做演唱會，之前要綵排，好少喺家，想借大家俾老婆歡呼聲以及外母照顧兩個小朋友實在唔容易，唱呢首歌係有意思，老婆明啦！」他老婆則攬着女兒一起欣賞Tim的演唱。

Howie話受Tim影響，原來有家庭都係咁開心。

手部受傷的Jackal完騷後將會去看醫生接受治療。

完騷後被問到送這歌給老婆有何特別意思？Tim解釋，因這首歌甜蜜，歌詞又有意思，加上老婆很鍾意郭富城，問他為何這次演唱會不跳舞？隊友即時幫口，指他上次演唱會已經跳過舞又唱過城城的歌。這次Tim在演唱會舞台上爆褲成為演唱會上的彩蛋，他也表示，在網上看到有關片段，看到兩腳之間褲子爆開很大，他笑言：「見到車厘子，係條內褲嘅車厘子印花，哈哈！(有網民話見到龍蛋？)牛油果呀！真係驚險，今晚我都照常擘開對腳，因為設計師喺條褲加強咗彈性膜，哈哈！」

Tim在演唱會派彩蛋！

楊洛婷同囡囡捧Tim場！

翁厚樑（Howie）在首場大爆 Jackal（伍漢邦）求婚不成功，這次Jackal親自解釋：「《草戒指》呢首歌令Tim求婚成功，我未用呢首歌，若果我用咗呢首歌一定好快成功，但係我仲未見到未來老婆出現。」他指一直都只是隊友為他徵婚而已，完全沒有求婚不成功這回事。問到Tim有否傳授冧女秘技？仍未脫單的Howie 笑指，成員也感到Tim很勁，他說：「Tim做俾我哋睇，有家庭生活係咁開心，因為我哋三人仲係大細路，諗到有家庭可能會冇得玩，但係Tim話俾我哋知道，開Show帶老婆係唔會煩，吸引我哋結婚係好開心。」此外，Jackal早前為友人拍MV而傷了右手，他表示應該是手骨受傷，之前不去醫院是因為怕要打石膏令他不能在演唱會上彈結他，所以在完騷後將會去看醫生接受治療。