網民嗌驚喜丨梁朝偉以廣東話接受國際版雜誌訪問為《尚氣》探討人性

更新時間：14:10 2021-09-02 HKT
發佈時間：11:30 2021-09-02 HKT

有網民為偉仔以廣東話接受訪問感到驚喜。

漫威首部由華人主演的新片《尚氣與十環傳奇》於今日上映，戲中一眾演員不時四出為電影進行宣傳，梁朝偉早前接受一本男士雜誌國際版的訪問時，雖然偉仔本身講得一口流利英語，但他竟然選擇全程以廣東話接受訪問，令到不少網民留言覺得驚喜。在訪問上，偉仔分享演出《尚氣》的感受外，還談及多年來演出的難忘角色。

偉仔表示今次的角色本身是一個大壞蛋：「因為大家都知佢係咁嘅人，所以我嘗試喺人性裏面去創作，探討吓佢嘅內心，點解會變咁嘅人？到佢有咗super power之後，開始搵番佢嘅自尊，但當得到自尊之後，好容易變咗終極自戀狂，聽唔到人哋講乜嘢，亦因為喺戲入面有啲遭遇，佢會將呢啲嘢遷怒喺人哋身上，我覺得好反射到人格，因為呢啲嘢先變咗做大壞蛋，希望大家會睇到啲唔一樣嘅感覺。」

偉仔拍《一代宗師》曾斷手。

《辣手神探》

重提李安執導的《色，戒》，梁朝偉笑說：「初初李安搵我，話love scenes，嗰陣我心諗，我都做咗幾十年戲，有love scenes有乜嘢奇，點知到拍攝時先知，嘩，原來係咁大膽。」接着偉仔亦提到與王家衛合作拍《春光乍洩》：「其實我每次同王家衛合作，開頭得到嘅資料都係好少，因為佢嘅工作方式係一路拍，一路發展，最初喺《春光乍洩》嘅角色唔係同性戀，我爸爸先係同性戀，而佢有個情人係張國榮，喺我爸爸過咗身，先知道有呢個人。點知我拍咗好多飲醉酒嘅戲，拍咗一星期左右，王家衛同我講：『你都係演同性戀比較好。』」他續說：「呢個就係我哋嘅相處方式，開始嘅時候唔會有咁多限制，慢慢先去討論。」

偉仔在《色‧戒》有大膽演出。

偉仔亦拍過不少動作戲，當中不得不提當然是與吳宇森和周潤發合作的《辣手神探》，單單是一場醫院戲，他表示起碼拍了超過40日，亦試過被玻璃碎整傷眼睛。後來到了拍《一代宗師》，偉仔被武師不小心弄傷了手：「嗰陣真係好唔甘心，我練咗好耐，已經準備好去拍，點知整斷咗，之後我冇理隻手康復未，走咗去做gym，結果傷口埋得唔好，喺我以為自己好番嘅時候，又畀武師踢斷咗，嗰次之後，就乖乖哋休息咗3個月。」