與甄子丹相隔15年再合作玩創新謝霆鋒為《怒火》苦練蝴蝶雙刀

更新時間：19:31 2021-08-12 HKT
發佈時間：20:00 2021-08-12 HKT

謝霆鋒不提感情事。

英皇電影《怒火》由已故導演陳木勝（Benny）執導及監製，甄子丹擔任監製、動作導演兼夥拍謝霆鋒主演，今次是霆鋒與甄子丹繼電影《龍虎門》後再合作，霆鋒直言對方一向對電影製作要求高，於《怒火》Ending對打的一幕，令他覺得相隔十幾年後彼此都有成長，大家的想法或追求也不一樣，他說：「經常會有一個問題，就係點樣可以有少少創新呢？子丹仲話點解要玩雙刀，係要挑戰返他當時拍《殺破狼》同吳京對打的一場，所以戲中的子丹會繼續拎警棍。」霆鋒為了此片，特別苦練蝴蝶雙刀：「練蝴蝶刀法有少少棘手，之前單手有玩開，練雙手玩就用了個多月時間，我都想挑戰之前港產片無出現過的雙手玩蝴蝶刀。」

霆鋒與子丹相隔15年再合作，希望有創新的火花。

謝霆鋒表示拍攝時不知道導演有病，到了為電影配音才知道。

戲中有不少殘忍打鬥招數及浴血場面，霆鋒笑言自己不想打到子丹，對方亦不想糟蹋他，當中有一幕被子丹扯住他在鋼琴的鍵盤上拖行，其實導演當時說服了子丹半日才拍攝，他說：「子丹都知大家靠塊面搵食，導演同他講：『做啦！霆鋒都唔介意囉！』係會損傷，不過呢部係動作片嚟嘛！」

謝霆鋒苦練用雙手玩蝴蝶刀。

導演陳木勝於去年8月底因鼻咽癌離世，霆鋒與陳木勝過往合作無間，《怒火》是兩人的最後一次合作，霆鋒欣賞該片時難免也一度感觸落淚，他說：「始終以往太多生死關頭交過畀佢，《特警新人類》、《男兒本色》、《新警察故事》等，睇成部戲時會諗番嗰場戲點拍？有乜嘢他突然講句說話，真係會諗番！始終太突然，我喺北京配音之前兩分鐘話導演嚟唔到，跟住我同岑建勳去配，配完兩日後導演就離開咗！我會諗導演要知道霆鋒配埋音完成件事，拍攝時唔知道佢有病，為部戲配音先知道。佢係一個唔煙唔酒、唔會發脾氣嘅人，因鼻咽癌而離世，只可以話活着便精采，要珍惜每一日。」此外，提到有指前妻張栢芝有意安排兒子到內地讀書，以及問到跟女友王菲的感情生活？霆鋒笑說：「私人嘢我唔答啦！」