所有物業平均分配妻兒陳豪爆老婆係屋企財政大臣

更新時間：20:19 2021-07-31 HKT
發佈時間：16:47 2021-07-31 HKT

陳豪多了間屋揸手都是傳承給下一代。

陳豪現身吉隆坡樓盤展銷會，並獲贈當地一個價值85萬馬幣（約156萬港幣）的住宅單位，他高興指是首次出活動獲贈樓宇，感激上天眷顧，亦令他加強在當地開咖啡店的構思，把㗎啡店衝出香港。問到物業是否遍佈加拿大、澳洲等世界各地？他只笑說：「這裏、那裏都有，唔話你知！」多了間屋揸手，他稱其實都不是他一個人，因都是傳承給下一代，並指所有物業都會公平分配的寫上3個小朋友及老婆的名字，笑謂：「屋企全部都係Queen和King，我只是個工人，負責搵錢，專注於做演員及開咖啡店。」

陳豪爆老婆是炒股專家。

陳豪在台上分享投資心得時，自爆不敢做風險大的投資，因一家五口擔子大，要是被老婆陳茵媺（Aimee）扭耳仔或責罵就不好。笑問有否被Aimee扭過耳仔？陳豪甜笑道：「無，講笑啫，況且我屬穩陣派，會以保本為主，即使買股票都是長揸，等待2、3倍的回報；投資方面Aimee較大膽，是抄股專家。（好叻賺錢？）又唔敢咁講，算唔錯。（可以畀少啲家用？）總之佢嘅係佢，我嘅都係佢，佢係屋企財政大臣，小朋友和經濟都係佢全權負責，奉行男主外、女主內；所以有幾多身家唔好問我，問佢喇！」

提到與溫碧霞合作的新片《我們的十八歲》剛殺青，他稱只佔10多場戲份，並且今次是相隔5年多再拍電影。