老闆生日大過天　海俊傑同師弟妹約齊慶祝

更新時間：02:08 2021-05-29 HKT
發佈時間：01:48 2021-05-29 HKT

男子組有BOP的Lincoln和Gordon（葉灝基），以及海仔跟老闆合照。

海俊傑日前於網上大晒與唱片公司同事大合照，原來是唱片公司天盟娛樂老闆培哥生日，大家就算工作幾忙，都相約於公司給老闆培哥製作驚喜慶生。海仔說:「我啱啱拍完劇，有個小休時間，好難得約到咁多位返公司聚一聚，老闆生日當然要約齊人慶祝啦。（問到幾時出新歌？）之前嘅時間都係劇接劇拍攝，呢一個月啱啱完咗一套劇集，都錄咗首新歌，等公司安排推出。」

跟老闆合照的女仔組有Karen和BINGO的Carman（關嘉敏）和Odilia（陳康琪）。

公司上下齊齊給老闆培哥驚喜舉行生日會。

簽約邵氏已有劇拍的Lincoln（許俊豪），幾忙都趕返公司同老闆慶生，「好開心可以拍劇，真係要多謝老闆培哥嘅支持，所以幾趕都要返公司同老闆慶生。（被問到Tyrese退團令BOP拆夥，有傳是因為不和？）我哋無不和，可能大家都誤會咗，其實我哋只係喺各自領域努力發展，公司亦都對我哋好好，喺疫情下仲幫我哋搵到6位數嘅代言，所以我哋都會完成埋今年BOP天堂鳥手頭上嘅工作先。雖然我哋係暫時分開，天下無不散之筵席，但將來有機會，可以再一齊表演。」而剛加入公司成為小師妹的Karen（龔柯允），就想趁慶生多謝老闆，「好開心可以加入天盟呢個大家庭，同埋好感恩遇到培哥，老闆除咗幫我包下電影院舉行發佈會及欣賞會外，亦推出咗新歌《一轉眼》。公司有一班師兄師姐嘅支持，真係好感受到滿滿嘅愛。」