老板生日大过天　海俊杰同师弟妹约齐庆祝

更新时间：02:08 2021-05-29 HKT
发布时间：01:48 2021-05-29 HKT

男子组有BOP的Lincoln和Gordon（叶灏基），以及海仔跟老板合照。

海俊杰日前于网上大晒与唱片公司同事大合照，原来是唱片公司天盟娱乐老板培哥生日，大家就算工作几忙，都相约于公司给老板培哥制作惊喜庆生。海仔说:「我啱啱拍完剧，有个小休时间，好难得约到咁多位返公司聚一聚，老板生日当然要约齐人庆祝啦。（问到几时出新歌？）之前嘅时间都系剧接剧拍摄，呢一个月啱啱完咗一套剧集，都录咗首新歌，等公司安排推出。」

跟老板合照的女仔组有Karen和BINGO的Carman（关嘉敏）和Odilia（陈康琪）。

公司上下齐齐给老板培哥惊喜举行生日会。

签约邵氏已有剧拍的Lincoln（许俊豪），几忙都赶返公司同老板庆生，「好开心可以拍剧，真系要多谢老板培哥嘅支持，所以几赶都要返公司同老板庆生。（被问到Tyrese退团令BOP拆伙，有传是因为不和？）我哋无不和，可能大家都误会咗，其实我哋只系喺各自领域努力发展，公司亦都对我哋好好，喺疫情下仲帮我哋揾到6位数嘅代言，所以我哋都会完成埋今年BOP天堂鸟手头上嘅工作先。虽然我哋系暂时分开，天下无不散之筵席，但将来有机会，可以再一齐表演。」而刚加入公司成为小师妹的Karen（龚柯允），就想趁庆生多谢老板，「好开心可以加入天盟呢个大家庭，同埋好感恩遇到培哥，老板除咗帮我包下电影院举行发布会及欣赏会外，亦推出咗新歌《一转眼》。公司有一班师兄师姐嘅支持，真系好感受到满满嘅爱。」