因滑水Friend咗經常見面 Lokman AK讚關智斌好人常請食飯

更新時間：18:08 2021-05-10 HKT
發佈時間：18:30 2021-05-10 HKT

三人會約食飯，食飽又會jam吓歌。

關智斌、MIRROR隊長Lokman及副隊長Anson Kong 最近上ChillGOOD YouTube channel 為音樂節目Music Panda擔任嘉賓，原來三人老友鬼鬼，更經常飯聚和jam歌。

Kenny最近推出新專輯《前面是新的歲月記得走下去》，幾個月前積極跟老師學唱歌，因為以往用氣聲嘅方法去錄歌，今次找新老師學習新發聲方法去唱live。

AK於節目中大讚Kenny好人，因為經常請他們回家吃飯

Lokman笑言經常有人指他五官似Kenny。

Kenny表示與AK及Lokman是因為玩滑水時經朋友介紹認識，近來更發展成為閨密，Lokman笑言，經常有人指他五官似Kenny，笑言：「見到佢之後，好唔開心囉，因為唔夠似佢咁靚仔。」Kenny就笑指大家也是眼大大，輪廓很深，像極南亞裔。

Kenny開心見到香港終於有成功嘅男子組合。

Kenny好鍾意滑水。

AK於節目中大讚Kenny好人，因為經常請他們回家吃飯，三人飯聚後更會玩桌遊，又會一起jam歌。而Kenny又會同他們一齊翻看《全民造星》，他說見到香港終於有成功的男子組合，非常為他們驕傲。

問到AK及Lokman， MIRROR成員中最貪靚的是誰，兩人異口同聲表示是「姜濤」，Lokman笑言，「如果有鏡，佢可以不停照足 24小時」而最為食及最受大家保護的冠軍也是姜濤，「一有嘢食，佢就癲！」至於為何是最受保護？「因為佢成日會腳痛，所以跳舞動作，甚至影大合照，我哋全部人都會照顧佢先，分兩排時從來唔會叫佢跪前排。」另外團員之中誰最迷信，他們就笑謂：「一定係花姐，佢戴水晶㗎！」問到花姐最錫誰，AK及Lokman就賣口乖表示花姐12個都錫，只是他們每人有不同的頑皮，所以花姐其實好辛苦，keep住24小時腎上腺素高企。