全靠吳孟達一言點醒　林子聰投身演員開拓導演路

更新時間：13:55 2021-04-02 HKT
發佈時間：09:00 2021-04-02 HKT

林子聰為楊盼盼主持的香港開電視節目《盼你賞面》擔任嘉賓。

林子聰為香港開電視節目《盼你賞面》擔任嘉賓，席間主持楊盼盼（盼盼姐）炮製「上海烤麩」，林子聰品嚐後大讚好味，仲「打包」回家吃！節目上，跟對方合拍過喜劇《大四喜》的林子聰，笑言只要有盼盼姐在場，劇組的伙食必定好，他說：「好深刻，我7歲睇《射鵰英雄傳》，記得你個角色係穆念慈，記憶中你不是太打女形象，到第二套印象深刻的劇集《楊家將》，先知道原來你係識武打！」

林子聰與吳孟達曾合拍《少林足球》。

林子聰認為喜劇與動作戲是不能分開，一部電影加上動作戲會是更精彩。提到特技效果的出現，令動作畫面更加豐富，他即席分享了與元華拍攝電影《功夫》的趣事，林子聰說：「當年華哥知道有一幕要被秋姐（元秋）一掌打到撞穿牆、飛出街嘅戲，拍攝前兩星期就練，去跑步、健身，做足準備，直至拍攝當日要埋位，佢望住三樓，深呼吸一啖諗住上三樓拍，我同華哥講，『唔係上面拍，係嗰邊拍，行去綠布景影張360度嘅相就OK，華哥即刻大受打擊話『點解我練咗咁多年，之前仲特登去操，你話我知，原來只係影幾張相』，華哥問我科技發達好定唔好？我話對今時今日嘅你係好事，可以延續你嘅演藝生涯，而且又冇咁危險。」
另編劇出身的林子聰當過演員、導演、監製等不同範疇，他表示在多個範疇中，曾不喜歡當演員，他說：「以前我唔鍾意做演員，係達哥（吳孟達）同我講咗句『演員可以同導演一樣，賦予佢新形象、新生命』。嗰時做編劇，係想拍劇（執導），後來發現做演員都可以幫助拍劇（執導），到而家我一寫劇本，就會諗晒三個範疇，全部成立，我先寫。」