【頭條獨家】被指擇偶品味「獨特」鍾舒漫堅持愛情解釋唔到

更新時間：03:48 2021-03-15 HKT
發佈時間：08:30 2021-03-15 HKT

鍾舒漫轉以獨立歌手形式發展，由識咗好多年嘅朋友組成小團隊幫手。

去年鍾舒漫（Sherman）與前港姐陳潔玲出現生意糾紛，Sherman跟導演男友林灝軒（Steve）的戀情亦因此曝光，與此同時，坊間突然流出鍾舒祺爆粗大鬧Steve錄音帶，不滿Steve要鍾母幫他洗底褲，真係一波未平一波又起。唔少Fans擔心Sherman再變做容易受傷的女人！Sherman卻說：「世界上冇一個case有must嘅，喺呢行都有好多對令我跌眼鏡嘅組合啦！」採訪：方騫平場地：THE STADIUM@觀塘興業街

雖然突然有好多林灝軒「黑材料」，但鍾舒漫力撐男友（左3）係一個好男人。

2015年鍾舒漫曾同吳浩康拍拖，最終頂唔住他多次「偷食」而分開。

關於跟陳潔玲嘅生意糾紛，鍾舒漫要入稟小額錢債審裁處追討44,286元本金，由於雙方拒絕和解，案件押後到今年再審。Sherman唔想多講呢單糾紛，但坦言有好多失望，包括對認識嘅人，上咗一課。

Sherman的前度吳浩康曾多次「偷食」，再前度張致恆又係「偷食」慣犯，現任男友亦被爆出唔少黑材料，Sherman維護男友說：「你點知邊啲係渣男，邊啲唔係呀？never know！好多嘢都冇樣睇㗎嘛！就算幾天作之合，相處咗10年，但最後都係出事，所以點樣去界定呢？喺呢行都有好多令我跌眼鏡嘅組合。」她強調對每段感情都有付出，對得住自己及對方，唔會因為以前經歷感到後悔，甚至影響將來嘅選擇。問到喜歡Steve乜嘢？她甜蜜說：「愛情解釋唔到，雖然好多人睇表面後有好多判斷，但實際上每段關係，兩個人經歷過啲乜，當事人先知。」