【头条独家】被指择偶品味「独特」钟舒漫坚持爱情解释唔到

更新时间：03:48 2021-03-15 HKT
发布时间：08:30 2021-03-15 HKT

钟舒漫转以独立歌手形式发展，由识咗好多年嘅朋友组成小团队帮手。

去年钟舒漫（Sherman）与前港姐陈洁玲出现生意纠纷，Sherman跟导演男友林灏轩（Steve）的恋情亦因此曝光，与此同时，坊间突然流出钟舒祺爆粗大闹Steve录音带，不满Steve要钟母帮他洗底裤，真系一波未平一波又起。唔少Fans担心Sherman再变做容易受伤的女人！Sherman却说：「世界上冇一个case有must嘅，喺呢行都有好多对令我跌眼镜嘅组合啦！」采访：方骞平场地：THE STADIUM@观塘兴业街

虽然突然有好多林灏轩「黑材料」，但钟舒漫力撑男友（左3）系一个好男人。

2015年钟舒漫曾同吴浩康拍拖，最终顶唔住他多次「偷食」而分开。

关于跟陈洁玲嘅生意纠纷，钟舒漫要入禀小额钱债审裁处追讨44,286元本金，由于双方拒绝和解，案件押后到今年再审。Sherman唔想多讲呢单纠纷，但坦言有好多失望，包括对认识嘅人，上咗一课。

Sherman的前度吴浩康曾多次「偷食」，再前度张致恒又系「偷食」惯犯，现任男友亦被爆出唔少黑材料，Sherman维护男友说：「你点知边啲系渣男，边啲唔系呀？never know！好多嘢都冇样睇㗎嘛！就算几天作之合，相处咗10年，但最后都系出事，所以点样去界定呢？喺呢行都有好多令我跌眼镜嘅组合。」她强调对每段感情都有付出，对得住自己及对方，唔会因为以前经历感到后悔，甚至影响将来嘅选择。问到喜欢Steve乜嘢？她甜蜜说：「爱情解释唔到，虽然好多人睇表面后有好多判断，但实际上每段关系，两个人经历过啲乜，当事人先知。」