老爺曾志偉接管TVB音樂業務　王敏奕唔擔心俾人話靠關係

更新時間：20:57 2021-02-24 HKT
發佈時間：20:45 2021-02-24 HKT

Venus唔擔心被人指靠關係，會努力做好自己。

王敏奕（Venus）去年加盟星夢娛樂做歌手，實行歌影視三棲發展，惟近日TVB及星夢出現人事變動，老爺曾志偉回巢出任副總經理（綜藝、音樂製作及節目），並踢走現任星夢娛樂行政總裁何哲圖（Herman），全面接管綜藝及音樂事務。對於Herman本月底離職，Venus坦言對其工作影響不大，亦趁拍劇空檔安排了錄歌。

志偉（左）回歸TVB出任高層，全面掌管音樂及綜藝業務。

Venus與曾志偉兒子曾國祥於19年結婚。

問到老爺掌管音樂業務，是否對她有很大優勢？Venus說：「我一向畀心機做好自己，亦有努力學跳舞同唱歌，不斷進步。（網民睇好你奪今屆「最受歡迎女歌星」？）我會努力做好自己，等大家睇到我嘅誠意，我唔擔心俾人認為靠關係，因為有留意自己嘅人，都知道我向來係努力嘅人。」又指志偉加入公司是好事，對方有很多想法，相信觀眾亦會好開心。那麼可會叫老公曾國祥加入TVB幫手？她笑道：「我哋一向都係自己做自己嘢。（有向老爺表達意見？）呢啲唔輪到我喎！我都係啱啱開始，成張白紙，仲係探索中，之前新年都有見過老爺，但我哋見面好少講工事。」