【搶霆鋒生意】網上售賣生酮曲奇唐貝詩陳雅麗想拜「鋒味廚神」為師

更新時間：02:04 2020-12-25 HKT
發佈時間：23:10 2020-12-24 HKT

唐貝詩、陳雅麗做瑜伽Keep fit。

唐貝詩（Lydia）及模特兒出身的陳雅麗（Allie）都好着重keep fit，最近兩人除咗相約做瑜伽外，仲同「40億千金」蔡頌思齊齊創業，趁住聖誕及新年黃金檔期，於網上售賣生酮曲奇。記者取笑她們同「鋒味廚神」謝霆鋒爭曲奇生意？陳雅麗大笑說：「嘩！我好鍾意謝霆鋒㗎！可以嘅話送畀佢食，但怕佢食完之後，以後佢會研發呢類型曲奇，以後同我哋爭生意喎…不如向佢拜師，夾埋佢玩啦！」採訪：方騫平服裝：Maha Yogi 場地：Yoga Actually 瑜伽指導：Angie Lam (Yoga Actually)

唐貝詩、陳雅麗話年紀愈大愈要做運動。

唐貝詩、陳雅麗係生意及做瑜伽好拍檔。

當日Lydia及Allie做咗唔少難度瑜伽動作，幾乎考起新手陳雅麗。Lydia話年紀愈大，筋骨愈硬，愈要多運動，她說：「以前冇乜運動基礎，直至喺15年先開始做運動，因為當時我剛簽第一間電影公司，經理人第一句叫我減肥，當年我110磅，想fit啲，線條靚啲，上鏡包包面唔好睇。」當然，更加要注重飲食，Lydia近年已戒糖及澱粉質，食得健康後再冇肚脹，直至上年開始才敢着短tee：「媽咪寇鴻萍係港姐出身，以前啲人問：『點解唔跟媽咪選港姐？』因為我怕醜，我冇法着泳衣出嚟。」

投資五位數字已回本
唐貝詩雖然戒甜3年，但都愛食甜品，疫情下惟有留家研究健康甜品食譜，改用碳水化合物含量低的杏仁粉或椰子粉取代麵粉，點知變成商機，同陳雅麗與「40億千金」蔡頌思一拍即合，於網上出售生酮曲奇。陳雅麗坦言只係5位數字低成本投資：「最初打算賣到200盒經已好開心，意外地愈賣愈多，𠵱家賣到600盒。都算係超額回本。」唐貝詩就開心形容係近年最大嘅興趣及成就，因為本身不會做生意，媽媽支持買咗20盒。