【抢霆锋生意】网上售卖生酮曲奇唐贝诗陈雅丽想拜「锋味厨神」为师

更新时间：02:04 2020-12-25 HKT
发布时间：23:10 2020-12-24 HKT

唐贝诗、陈雅丽做瑜伽Keep fit。

唐贝诗（Lydia）及模特儿出身的陈雅丽（Allie）都好着重keep fit，最近两人除咗相约做瑜伽外，仲同「40亿千金」蔡颂思齐齐创业，趁住圣诞及新年黄金档期，于网上售卖生酮曲奇。记者取笑她们同「锋味厨神」谢霆锋争曲奇生意？陈雅丽大笑说：「哗！我好钟意谢霆锋㗎！可以嘅话送畀佢食，但怕佢食完之后，以后佢会研发呢类型曲奇，以后同我哋争生意㖞…不如向佢拜师，夹埋佢玩啦！」采访：方骞平服装：Maha Yogi 场地：Yoga Actually 瑜伽指导：Angie Lam (Yoga Actually)

唐贝诗、陈雅丽话年纪愈大愈要做运动。

唐贝诗、陈雅丽系生意及做瑜伽好拍档。

当日Lydia及Allie做咗唔少难度瑜伽动作，几乎考起新手陈雅丽。Lydia话年纪愈大，筋骨愈硬，愈要多运动，她说：「以前冇乜运动基础，直至喺15年先开始做运动，因为当时我刚签第一间电影公司，经理人第一句叫我减肥，当年我110磅，想fit啲，线条靓啲，上镜包包面唔好睇。」当然，更加要注重饮食，Lydia近年已戒糖及淀粉质，食得健康后再冇肚胀，直至上年开始才敢着短tee：「妈咪寇鸿萍系港姐出身，以前啲人问：『点解唔跟妈咪选港姐？』因为我怕丑，我冇法着泳衣出嚟。」

投资五位数字已回本
唐贝诗虽然戒甜3年，但都爱食甜品，疫情下惟有留家研究健康甜品食谱，改用碳水化合物含量低的杏仁粉或椰子粉取代面粉，点知变成商机，同陈雅丽与「40亿千金」蔡颂思一拍即合，于网上出售生酮曲奇。陈雅丽坦言只系5位数字低成本投资：「最初打算卖到200盒经已好开心，意外地愈卖愈多，𠵱家卖到600盒。都算系超额回本。」唐贝诗就开心形容系近年最大嘅兴趣及成就，因为本身不会做生意，妈妈支持买咗20盒。