《雷霆極戰》揚威中美電視節黃宗澤：受傷都值得安慰

更新時間：21:25 2020-11-11 HKT
發佈時間：20:49 2020-11-11 HKT

黃宗澤喺《飛虎之雷霆極戰》好開心跟好兄弟吳卓羲和馬國明再合作，感覺似同學聚舊。

邵氏電影《使徒行者2諜影行動》及電視劇《飛虎之雷霆極戰》分別獲頒第16届中美電影節「年度金天使獎電影」及中美電視節「年度最佳中國網劇」榮譽。

《飛虎之雷霆極戰》主角黃宗澤對獲獎表示：「真係好開心，得獎對大家係一個鼓勵，拍嘅時間大家都辛苦，而我更受咗傷，現在有獎也值得安慰！台前幕後真係合作得好開心，希望待疫情好轉，大家有機會再慶祝一番。」苗僑偉感興奮：「恭喜查導(查傳誼)、樂小姐(樂易玲)，攞獎當然開心，叫樂小姐擺兩圍慶祝。」

邵氏兄弟執行董事樂易玲小姐表示：「首次獲獎感到非常榮幸，能夠獲得國際及一眾評審嘅肯定同認可，實在係有賴所有演員幕後嘅努力，呢兩項榮譽將成為我哋嘅推動力。」《使徒行者2諜影行動》導演文偉鴻則表示：「多謝邵氏、嘉映及評審，仲有演員及台前幕後嘅工作人員。」