【老婆病情反覆】試免疫細胞治療法林子博帶老婆赴台搏一鋪

更新時間：13:46 2020-09-11 HKT
發佈時間：13:35 2020-09-11 HKT

Shirley病情反覆，不時入醫院。

林子博為香港開電視主持真人騷《大叔要變身》，日前聯同主持人鄺芷凡(Omi)齊齊向排舞師Sunny Wong拜師學藝。原來子博的女兒是Sunny Wong的徒弟，子博笑道：「如果我今日拜埋師，咪變咗係我個女個師弟囉？好奇怪呀！」

子博指女兒醉心跳舞，他不但會為女兒擔任跳舞攝影師，還會陪跳。子博說：「佢會捉埋我跳㗎，如果我唔跳，佢會覺得呢個阿爸咁『娘』、咁脫節㗎，為咗同個女無隔膜，我咪跳埋一份囉！」

談到老婆Shirley病情反覆，而香港的主流治療已經沒有任何對策，子博透露說：「我哋在台灣搵到一種免疫細胞治療，𠵱家等緊台灣通知，佢哋一話OK，我就即刻帶老婆飛過去！」

鄺芷凡則謂本來雄心壯志要鍛鍊身體，殊不知第三波疫情殺到，所有健身室關門避疫，令她欲健身無從。Omi笑道：「𠵱家健身室開返，我已經變成『豬油膏』啦！」Sunny Wong對排舞室可以重開感到高興，更加期望演唱會可以復辦，畀所有待業的舞者能重返舞台工作。