有囝囝陪吹蠟燭，溫碧霞當然開心啦！呢個月30號係溫碧霞嘅54歲生日，今日佢就有老公何祖光同埋小情人即係囝囝何國倫，陪住一齊切蛋糕預早慶祝，佢仲寫道：「I love my family：）宝宝的少女心#Ps 小情人有蛋糕食，比我更開心呢：）love u all ?」不過，原來除咗老公同囝囝，溫碧霞仲有5個親友同佢慶祝，唔知溫碧霞同埋班友親友係咪抵抗力特別強，好似完全唔擔心疫情嚴峻咁喎！？老公和囝囝向溫碧霞送上香吻慶祝。約埋親友大班人一齊開派對。有小情人陪，溫碧霞應該唔使收禮物都好滿足。
