月前，黃貫中夫婦帶囡囡買玩具。朱茵同黃貫中結婚8年，有個7歲囡囡黃鶯。因為疫情影響，本來經常要返內地工作嘅朱茵多咗留喺香港，最開心梗係個女，可以成日黐住媽媽。今年父親節，黃鶯親手為黃貫中準備咖啡 。48歲嘅朱茵仲係好靚。尋晚，黃太貼咗張鮮茄洋蔥煎豬扒嘅相去社交平台，Caption係「老公和女兒搶著吃，看得我笑呵呵，無論多辛苦也值得。」好簡單，即係朱茵煮嘅鮮茄洋蔥煎豬扒得到老公黃貫中同囡囡黃鶯嘅欣賞，兩人爭住食，朱茵看在眼裡就笑得好開心，所以幾辛苦都值得。朱茵都幾易滿足，咁做人幾開心吖。蔡少芬、朱茵、陳法蓉及洪欣憑港式口音的普通話（港普）鬧出不少笑話，故四姊妹宣佈組成全新女團「港普F4」，希望透過特色口音繼續發放歡樂及正能量，咩年代呀?
