【頭條獨家】新劇升呢第二男主角馬貫東獲鼓勵朝好演員努力

更新時間：19:58 2020-07-06 HKT
發佈時間：23:00 2020-07-06 HKT

阿東07年參加藝員訓練班入行，他一直只想做過好演員而非明星。

入行10年的馬貫東，最近在劇集《那些我愛過的人》終於有機會升呢第二男主角，但因戲份重令他緊張外，角色「古希晨」有亞氏保加症（自閉症一種）又是個醫生，使他要花更多時間做事前準備。對於自16年憑《愛·回家之八時入席》「十仔」一角獲提名「飛躍進步男藝員」後，演出機會愈來愈多，阿東對於受重視感到很大鼓勵，會繼續努力做個好演員。採訪：杜淑霞

阿東跟連詩雅在劇中首次演夫妻，由於他有亞氏保加症不擅與人溝通鬧出不少問題。

劇中阿東演醫生「古希晨」，事前要花不少時間背專業名詞。

為了演活「古希晨」，阿東事前下了不少苦功，「監製安排咗我同幾個亞氏保加症患者見面，我帶佢哋參觀電視城，同佢哋食飯，又同佢哋傾咗好多嘢，對呢個病了解多咗，又睇好多書了解呢種病，希望做出嚟效果神似，最重要係唔好令人對呢個病有誤解。另外，演醫生都要背好多專業名詞，呢方面都唔容易㗎！」

未合作前，阿東有點驚林文龍，但合作後當然改觀。

因合作《那些我愛過的人》，阿東跟黃翠如、連詩雅和陳自瑤成為好友。

一切由「十仔」而來

劇中阿東跟連詩雅首演夫妻，他雖然跟「老婆」首度合作，但過程相當愉快，「佢雖然成日話自己拍劇經驗少，但係佢演戲經驗好多，所以好容易夾得嚟，唔會好難溝通。」反而初次跟前輩林文龍合作，令阿東十分緊張，「我哋之前完全冇合作過，感覺佢好嚴肅，見到面覺得佢氣場好勁，但相處落其實佢好講得笑，又會好配合後輩，係個好好嘅前輩。」

阿東16年憑《愛·回家之八時入席》「十仔」一角獲提名「飛躍進步男藝員」
後，之後再憑《愛·回家之開心速遞》「秦博思」提名「最佳男配角」，令演出機會愈來愈多，他坦承確實是很大鼓勵，「其實由《鐵馬戰車》嘅『揚明』，到《愛·回家》嘅『十仔』都好多謝觀眾嘅喜愛，特別係『十仔』真係帶畀我好多得着，開始多人認識咗，亦都多咗機會，呢啲係好正面嘅鼓勵，我會努力向住做個好演員去行。」